ગુજરાત વિધાનસભાની ચૂંટણીમાં ભાજપ નેતાઓના પરિવારજનોને ટિકિટ નહીં આપે!

 

ગાંધીનગર: ભાજપની રાષ્ટ્રીય સંસદીય સમિતિની બેઠકમાં પીએમ મોદીએ બે બાબતો અંગે પોતાના વલણને સ્પષ્ટ કર્યું છે. પીએમે ચૂંટણીઓમાં સાંસદોના પુત્ર-પુત્રી કે પરિવારજનને ટિકિટ નહીં આપવે અંગે પોતાનો સ્પષ્ટ મત વ્યક્ત કરી રાજનીતિમાંથી પરિવારવાદને ખતમ કરવાની લડત અંત સુધી લડવાની જાહેરાત કરી હતી. ત્યારે ગુજરાતમાં 10 મહિના પછી યોજાનારી વિધાનસભાની ચૂંટણીમાં ભાજપ પરિવારજનોને ટિકિટ નહીં આપે તેવી શક્યતા છે.

આમ તો ભાજપ પ્રમુખ સી આર પાટીલ સ્થાનિક સ્વરાજ્યની ગયા વર્ષે યોજાયેલા ચૂંટણીઓમાં ઉમેદવારોની પસંદગી વખતે જ ત્રણ નિયમો જાહેર કરી અનેક ચાલુ કોર્પોરેટરો, સભ્યોના પત્તા કાપી નાખ્યા હતા. આ વખતે વિધાનસભાના ઉમેદવારોની પસંદગી પહેલા ખુદ વડાપ્રધાન મોદીએ નવેસરથી પરિવારજનોને ટિકિટ નહીં આપવાના સંકેતોને વધુ સ્પષ્ટ કરતા અમદાવાદ સહિત રાજ્યના 10-15 બેઠકો પર પોતાને ટિકિટ નહીં અપાય તો પોતાના પરિવારના સભ્યોને ટિકિટ માટે લોબિંગ કરવાના મનસુબા ઘડી રહેલા નેતાઓની મનની મનમાં રહી જાય એવી સ્થિતિ સર્જાઈ છે.

પીએમ મોદીએ સંસદીય દળળની બેઠકમાં જણાવ્યું કે, અત્યારથી દરેક પ્રતિનિધિએ પોતાના વિસ્તારની બેઠકોમાં 100-100 બૂછ શોધીને યાદી તૈયાર કરે અને એના કારણો તપાસે કે આપણે શા માટે હાર્યા. આ કારણો શોધીને દુરસ્ત કરવાના પ્રયાસો અત્યારથી જ કરવા જોઈએ. પીએમ મોદીએ કોંગ્રેસ, સમાજવાદી પાર્ટી સહિતના વિરોધીપક્ષોના નામનો ઉલ્લેખ કર્યા વગર નિશાન સાધતા કહ્યું કે, આજે દેશનો સૌથી મોટો શત્રુ પરિવારવાદની રાજનીતિ છે. જેનાથી જાતિવાદી રાજનીતિને બળ મળે છે અને એના માટે પરિવારવાદી રાજનીતિ જવાબદાર છે.

પીએમએ વધુમાં ઉમેર્યું કે, અમારી પાર્ટીમાં કેટલાય સાંસદોના સંતાનોને ટિકિટ અપાઈ નથી. જો તેમને ટિકિટ નહીં આપવું એ પાપ છે તો એ પાપ મે કર્યું છે અને હું એની જવાબદારી લઉં છું. આ આપણે પરિવારવાદમાં જ આવે છે અને આપણે એને ખતમ કરવો છે. ભાજપના એક હોદ્દેદારનું કહેવું છે કે, પીએમ મોદીએ બંને મુદ્દા ગુજરાતમાં લાગુ કરવાની કવાયત ઘણા સમય પહેલાથી જ શરૂ કરી દીધી છે.

Source link