ગુજરાત નેશનલ લૉ યુનિવર્સિટી કોરોના વિસ્ફોટઃ વધુ 3 વિદ્યાર્થીઓ પોઝિટિવ, કુલ આંક 37 થયો

 

GNLU Corona Cases: ગુજરાત નેશનલ લૉ યુનિવર્સિટી કોરોના હોટસ્પોટ બનતાં ગત રોજ 34 વિદ્યાર્થીઓ કોરોના પોઝિટિવ હોવાનું સામે આવ્યું હતું. તેવામાં આજે યુનિવર્સિટીમાંથી વધુ 3 વિદ્યાર્થીઓ કોરોના પોઝિટિવ હોવાનું સામે આવ્યું છે. આમ ગુજરાત નેશનલ લૉ યુનિવર્સિટીમાં અત્યાર સુધી કુલ 37 વિદ્યાર્થીઓ કોરોના પોઝિટિવ આવી ચૂક્યા છે અને હજુ પણ આ આંકડો વધે તેવી સંભાવનાઓ છે.

 

ગુજરાત નેશનલ લૉ યુનિવર્સિટી કોરોના વિસ્ફોટઃ વધુ 3 વિદ્યાર્થીઓ પોઝિટિવ, કુલ આંક 37 થયો

હાઈલાઈટ્સ:

  • કોરોના વિસ્ફોટને કારણે GNLU યુનિવર્સિટીને કન્ટેઈન્મેન્ટ ઝોન જાહેર કરાઈ છે
  • કોરોના પોઝિટિવ વિદ્યાર્થીઓેને હોસ્ટેલમાં આઈસોલેટ અને ક્વોરન્ટાઈન કરાયા છે
  • કોરોના વિસ્ફોટકને કારણે આરોગ્ય વિભાગ દ્વારા વિદ્યાર્થીઓનું સઘન ટેસ્ટિંગ હાથ ધરાયું છે
GNLU Corona Cases: ગાંધીનગરના રાયસણ ખાતે આવેલી ગુજરાત નેશનલ લૉ યુનિવર્સિટીમાં કોરોના વિસ્ફોટ થતાં 34 વિદ્યાર્થીઓ પોઝિટિવ આવ્યા હોવાના સમાચાર ગત રોજ પ્રકાશમાં આવતાં ખળભળાટ મચી જવા પામ્યો હતો. કોરોના વિસ્ફોટને કારણે યુનિવર્સિટી કેમ્પસમાં વિદ્યાર્થીઓ વચ્ચે ફફડાટ ફેલાય ગયો હતો અને કેટલાય વિદ્યાર્થીઓ ગત રોજ રાતોરાત હોસ્ટેલ છોડીને જતાં રહ્યા હતા. કોરોના વિસ્ફોટ બાદ આરોગ્ય વિભાગ દ્વારા વિદ્યાર્થીઓના ટેસ્ટિંગની કાર્યવાહી શરૂ કરી દેવામાં આવી છે. જેમાં આજે GNLU યુનિવર્સિટીમાંથી વધુ 3 વિદ્યાર્થીઓ કોરોના પોઝિટિવ આવ્યા હોવાનું સામે આવ્યું છે. આમ GNLUમાં અત્યાર સુધી કુલ 37 વિદ્યાર્થીઓ કોરોના પોઝિટિવ આવ્યા છે. અને હજુ પણ આ આંકડો વધે તેવી આશંકાઓ વ્યક્ત કરવામાં આવી રહી છે.

એકબાજુ ગુજરાતમાંથી કોરોના ધીમે-ધીમે ગાયબ થઈ રહ્યો છે, તેવામાં ગત રોજ ગાંધીનગરની GNLU યુનિવર્સિટીમાં 15 વિદ્યાર્થીઓ પોઝિટિવ આવ્યા હતા. યુનિવર્સિટીમાં એક વિદ્યાર્થી કોરોના પોઝિટિવ આવ્યા બાદ યુનિવર્સિટી પ્રશાસન દ્વારા વિદ્યાર્થીઓના કોરોના ટેસ્ટ કરાવવામાં આવ્યા હતા. બે દિવસના ટેસ્ટિંગ દરમિયાન ગત રોજ કુલ 34 વિદ્યાર્થીઓ કોરોના પોઝિટિવ આવ્યા હોવાનું સામે આવ્યું હતું. આટલી મોટી સંખ્યામાં વિદ્યાર્થીઓ પોઝિટિવ આવતાં તંત્ર દ્વારા વિદ્યાર્થીઓના સઘન ટેસ્ટિંગની કામગીરી શરૂ કરવામાં આવી હતી. જેમાં આજે પણ વિદ્યાર્થીઓના ટેસ્ટ દરમિયાન વધુ 3 વિદ્યાર્થીઓ પોઝિટિવ આવ્યા હતા. આમ 3 દિવસની અંદર GNLU યુનિવર્સિટીમાં કુલ 37 વિદ્યાર્થીઓ કોરોના પોઝિટિવ આવ્યા છે.

ગત રોજ 34 વિદ્યાર્થીઓ કોરોના પોઝિટિવ આવ્યા બાદ આરોગ્ય વિભાગ દ્વારા GNLU યુનિવર્સિટીને કન્ટેઈન્મેન્ટ ઝોન જાહેર કરવામાં આવી હતી. આ ઉપરાંત બોય્ઝ અને ગર્લ્સ હોસ્ટેલને પણ કન્ટેઈન્મેન્ટ ઝોન જાહેર કરી દેવામાં આવી હતી. આ ઉપરાંત પોઝિટિવ આવેલાં વિદ્યાર્થીઓ અને વિદ્યાર્થિનીઓને બોય્ઝ અને ગર્લ્સ હોસ્ટેલમાં આઈસોલેટ કરી ક્વોરન્ટાઈન કરી દેવામાં આવ્યા છે.ગુજરાત નેશનલ લૉ યુનિવર્સિટીમાં 700થી પણ વધારે વિદ્યાર્થીઓ અને વિદ્યાર્થિનીઓ અભ્યાસ કરે છે અને રાજ્ય બહારના અનેક વિદ્યાર્થીઓ અહીં અભ્યાસ કરવા માટે આવતા હોય છે. ગત રોજ પોઝિટિવ આવેલાં 34 વિદ્યાર્થીઓમાંથી એક વિદ્યાર્થીની ટ્રાવેલ હિસ્ટ્રી સામે આવી હતી. જ્યારે તમિલનાડુના એક વિદ્યાર્થીને સારવાર અર્થે હોસ્પિટલમાં દાખલ કરવામાં આવ્યો છે. અને હજુ પણ GNLU યુનિવર્સિટીમાં વધુ વિદ્યાર્થીઓ કોરોના પોઝિટિવ આવે તેવી શક્યતાઓ વ્યક્ત કરવામાં આવી રહી છે.

Source link

તમારા મોબાઈલ પર તમામ પ્રકારના લેટેસ્ટ ન્યૂઝના અપડેટ્સ મેળવવા માટે નીચે અપેલા બટન પર ક્લિક કરીને અમારા વોટ્સેપ ગ્રુપમાં જોડાવ.

Join WhatsApp

LEAVE A REPLY

Please enter your comment!
Please enter your name here