ગુજરાતમાં આગામી 3 દિવસ કમોસમી વરસાદની શક્યતા, હવામાન વિભાગે કરી આગાહી

 

અમદાવાદ: હવામાન વિભાગના જણાવ્યા અનુસાર બંગાળની ખાડીમાં લો પ્રેશરને કારણે રાજ્યના વાતાવરણમાં પલટો આવશે અને આગામી પાંચ દિવસ દરમિયાન વાતાવરણ વચ્ચે ગરમી ઘટવાની વકી છે. 7 માર્ચના ડાંગ, નર્મદા અને તાપીમાં સામાન્ય વરસાદ સાથે થન્ટ સ્ટોર્મ એક્ટિવિટી થવાની શક્યતા છે. ઉલ્લેખનીય છે કે, ગુજરાતમાં ઉત્તર પૂર્વના પવન ફૂંકાઈ રહ્યા છે જેથી ગરમીનો પ્રારંભ થઈ ગયો તેમ લાગી રહ્યું છે. જો કે, હજુ પણ લઘુત્તમ તાપમાન 18 ડિગ્રીની આસપાસ રહેતા સવારે ફૂલ ગુલાબી ઠંડીનો અહેસાસ થઈ રહ્યો છે. આમ બેવડી ઋતુના કારણે લોકો પણ રોગનો ભોગ બની રહ્યા છે.

3 દિવસ કમોસમી વરસાદની આગાહી
હવામાન નિષ્ણાંત અનુસાર બંગાળના અરબી સમુદ્રમાં લો પ્રેશર સર્જાશે જેની અસર ગુજરાતના વાતાવરણ પર જોવા મળશે. જેને કારણે 6થી અને 10 માર્ચ સુધીમાં વાતાવરણમાં પલટાશે. આ વચ્ચેના દિવસોમાં એટલે કે 7, 8 અને 9 માર્ચ સુધીમાં રાજ્યમાં કમોસમી વરસાદની શક્યતા છે. ચાલુ મહિને વારંવાર વાતાવરણમાં પલટો આવશે. જેનું કારણ છે, બંગાળના ઉપસાગર અને અરબી સમુદ્રમાં હવાનું હળવું દબાણ.

આ વિસ્તારોમાં પડી શકે છે વરસાદ
7થી 10 માર્ચ દરમિયાન ગુજરાતના છોટા ઉદેપુર, નર્મદા, તાપી, ડાંગ, સુરત, ભરુચ, વલસાડ, દમણ તથા દાદરા અને નગર હવેલીમાં હળવો વરસાદ પડી શકે છે. જ્યારે સૌરાષ્ટ્રના ભાવનગર, અમરેલી, મધ્ય ગુજરાતના આણંદ, વડોદરા, દાહોદ, પંચમહાલ, વડોદરા, મહીસાગર, અરવલ્લી, ખેડા સહિતના જિલ્લાઓમાં પણ કમોસમી વરસાદની હવામાન વિભાગ દ્વારા શક્યતા વ્યક્ત કરવામાં આવી છે.

પ્રાપ્ત માહિતી અનુસાર ઉત્તરીય પર્વતીય વિસ્તારમાં પશ્ચિમ વિક્ષેપના કારણે બરફ વર્ષા અને કમોસમી વરસાદ થવાનું અનુમાન છે, જેની અસર ગુજરાતમાં પણ જોવા મળશે. રાજ્યના મધ્ય ભાગમાં આગામી દિવસોમાં કમોસમી વરસાદની શક્યતા છે. જ્યારે દક્ષિણ ગુજરાતના ભાગોમાં 8થી 10 માર્ચ દરમિયાન સામાન્ય વરસાદી ઝાપડા પડવાની શક્યતા છે. ઉપરાંત સૌરાષ્ટ્રના દરિયાકિનારે પણ વાતાવરણમાં પલટો આવશે.

Source link