ખેડા: સોખડા ગામ પાસે સર્જાયેલા એક્સિડન્ટ વિથ મર્ડર કેસમાં નવો વળાંક આવ્યો!

 

નડિયાદ: ખેડા જિલ્લાના માતર તાલુકાના સોખડા ગામ પાસે સર્જાયેલા અકસ્માત વિથ મર્ડર કેસમાં નવો વળાંક સામે આવ્યો છે. જેમાં મહિલા સાથે પ્રેમસંબંધને લઈને સંઘર્ષ થતાં આ કૃત્ય કરવામાં આવ્યું હોવાનું સામે આવ્યું છે. સાથે સાથે અકસ્માતના સ્થળ પર હથિયારો પણ મળી આવ્યાહતા. જેથી પોલીસ આ દિશામાં શોધખોળ હાથ ધરી છે. જેથી આ કેસમાં અન્ય ઈસમો પણ સંડોવાયેલા હોવાનું બહાર આવે તેવી શક્યતા છે.

ઉલ્લેખનીય છે કે, ગત 14 માર્ટની રાતે માતરના સોખડા ગામની સીમમાં આવેલી એક હોટલની પાર્કિંગમાં ઉભેલી એક ટ્રક પાછળ બાઈક ઘૂસી જવાની ઘટનામાં અમદાવાદના ચાર યુવાનોના મોત થયા હતા. ઘટના અંગે માતર પોલીસે હાથ ધરેલી તપાસમાં મૃતક યુવાનો બાઈક પાછળ પીછો કરતી આવતી એક સ્કોર્પિયો કારે ઈરાદાપૂર્વક ટક્કર મારી હોવાની શક્યતાઓને પગલે પોલીસે એ દિશામાં તપાસ હાથ ધરી હતી. જેમાં પોલીસને જાણવા મળ્યું કે. તે અકસ્માત નહીં પરંતુ હત્યા હતી. પોલીસે ત્રણેય ઈસમો અને અકસ્માત સર્જનાર સ્કોર્પિયો કાર કબજે કરી લીધી છે અને ત્રણેય આરોપીઓને કોર્ટમાં રજૂ કરી 22 માર્ચ સુધીના રિમાન્ડ મેળવી વધુ પૂછપરછ હાથ ધરી છે.

નડિયાદ પાસે અકસ્માતમાં મોતને ભેટેલા અ’વાદના 4 યુવકોની હત્યા કરાઈ હોવાનો ઘટસ્ફોટપોલીસે પૂછપરછ કરતા તથા મૃતકોના મિત્રોની પૂછપરછમાં ચોંકાવનારો ખુલાસો થયો છે. જેમાં મૃતકો તથા તેની સાથે આવેલા મિત્રો અને પકડાયેલા આરોપીઓ ધર્મેશ ઉર્ફે કાળુ તળપદા, વિજય તળપદા વચ્ચે કોઈ સ્ત્રીના પ્રેમ પ્રકરણ બાબતે અદાવત હતી. જેને લઈને ઘર્ષણ થતાં હત્યા કરાઈ હોવાનું સામે આવ્યું છે. આ કેસમાં એક પોલીસે એક સગીરની પણ ધરપકડ કરી હોવાનું જાણવા મળ્યું છે.

હત્યાને અકસ્માતમાં ખપાવવાનો પ્રયાસ
તપાસમાં પોલીસને એવું પણ જાણવા મળ્યું કે, અમદાવાદના ચારેય યુવાનો ડરીને પોતાનો જીવ બચાવવા એક બાઇક ઉપર નડિયાદથી અમદાવાદ તરફ જતા હતા. દરમિયાન સ્કોર્પિઓના ડ્રાઈવરે સ્પીડ વધારીને ચક્કર મારતા બાઈક હોટેલના કંપાઉન્ડમાં પાર્ક કરેલા કન્ટેઇનર સાથે અથડાતા ચારેયના ઘટનાસ્થળે જ મોત નીપજ્યા હતા. જેથી પોલીસ અને એલસીબીએ તપાસ હાથ ઘરીને કાળા કલરની સ્કોર્પિયો કારને શોધી કાઢી હતી અને આ ગંભીર કૃત્યમાં સંડોવાયેલા સ્કોર્પીઓના ચાલક રવિ ગોપાલ તળપદા, ધર્મેશ ઉર્ફે કાળુ તળપદા અને વિજય ઉર્ફે દીપો અરવિંદ તળપદાને ઝડપી કોર્ટમાં રજૂ કર્યા હતા.

Source link