ખીલ-એક્ને માટે ગર્ભનિરોધક ગોળીઓ ખાવી કેટલી સુરક્ષિત છે? જાણો ડોક્ટર શું કહે છે

Doctor Advice on Birth Control Pills: તમે ઘણીવાર એવા વીડિયો જોયા હશે જેમાં એક્ને-ખીલને ઠીક કરવા માટે લોકો ગર્ભનિરોધક ગોળીઓ ખાતા હોય છે. ઇન્ટરનેટ પર મોજૂદ અનેક વીડિયોમાં આ ગોળીઓ ખાવાના ફાયદાઓ જણાવવામાં આવે છે, તો કેટલાંક વીડિયોમાં તેનાથી થતાં નુકસાન વિશે માહિતી મળતી હશે. કોઇ દાવો કરે છે કે, ખીલ અને એક્નેની સમસ્યા બર્થ કંટ્રોલ પિલ્સથી ઠીક થઇ જાય છે, તો કેટલાંકના અનુભવ એવા રહે છે કે, આ ગોળીઓ લીધા બાદ તેઓની ખીલની સમસ્યા ઓર વધી ગઇ છે.

ડોક્ટર રશ્મિ શેઠ્ઠી (Dr. Rashmi Shetty, Celebrity Dermatologist) આ અંગે મહત્વની જાણકારી શૅર કરી રહ્યા છે. પોતાની ઇન્સ્ટાગ્રામ પોસ્ટમાં ડોક્ટરે જણાવ્યું કે, એક્ને ટ્રીટમેન્ટ માટે ક્યારેય તેઓ ગર્ભનિરોધક ગોળીઓના ઉપયોગને પ્રાથમિકતા નથી આપતાં. જો કે, ઘણીવાર તેનો ઉપયોગ જરૂરી પણ છે. ખાસ કરીને એવી સ્થિતિમાં જ્યારે દર્દીને PCOS અથવા PCOD હોય, આ હેલ્થ ઇશ્યૂના કારણે ખીલની સમસ્યા વધી જાય છે.

(તસવીરોઃ પિક્સાબે.કોમ, ફ્રિપિક.કોમ)

​પહેલાં ડોક્ટરની સલાહ લો

ડોક્ટર અનુસાર, સૌથી પહેલાં તમારે ચેકઅપ કરાવવું જોઇએ, જેથી ખીલ કે એક્નેની સમસ્યાનું મૂળ કારણ જાણી શકાય. આ માટે તમે એન્ડોક્રિનલોજીસ્ટ, ગાયનેકોલોજીસ્ટ અથવા ડર્મેટોલોજીસ્ટની સલાહ લો. તેઓ તપાસ બાદ તમને જણાવશે કે, એક્નેનું મૂળ કારણ ક્યાંક હોર્મોનલ ઇશ્યૂ અથવા અન્ય સ્વાસ્થ્ય સમસ્યા તો નથી.

​કેવી રીતે મદદ કરે છે કે ગોળીઓ?

જો તમારાં નિદાનમાં એક્નેનું કારણ PCOS અથવા PCOD છે, તો કેટલાંક કેસમાં દર્દીને બર્થ કંટ્રોલ પિલ્સ આપવામાં આવે છે. તે હોર્મોન્સને બેલેન્સ કરવામાં મદદ કરે છે, જેનાથી એક્નેની સમસ્યા દૂર થઇ શકે છે. જો કે, ડર્મેટોલોજીસ્ટનું એમ પણ કહેવું છે કે, ઘણીવાર અન્ય હોર્મોન્સ ઝડપથી વધવા કે ઘટવાના કારણે પણ એક્ને થઇ શખે છે, જેથી એડિશનલ હોર્મોનલ બેલેન્સિંગ મેડિસિન્સ આપવામાં આવે છે.

ખીલ માટે બર્થ કંટ્રોલ પિલ્સ લેવી હિતાવહ છે?

કઇ પિલ્સ લેવી જોઇએ અને ક્યાં સુધી?

ડોક્ટર રશ્મિ અનુસાર, એવી દવાઓને એક્ને ટ્રિટમેન્ટ માટે લેવી જોઇએ જેની યોગ્ય તપાસ અને ડોક્ટરની સલાહ સાથે આપવામાં આવી હોય. હકીકતમાં ડોક્ટર જ જણાવી શકશે કે બર્થ કંટ્રોલ પિલ્સ કેટલી અને કેટલાં સમય સુધી લેવી જોઇએ. માત્ર પોતાના હિસાબે સતત આ ગોળીઓ ખાવાથી લાંબા ગાળાનું નુકસાન થવાની શક્યતાઓ વધી જાય છે.

​આ બદલાવ પણ જરૂરી

પિલ્સની સાથે જ ડોક્ટર રશ્મિ હેલ્ધી લાઇફસ્ટાઇલ પર ભાર મુકે છે, જેના વગર પીસીઓએસ અથવા અન્ય હોર્મોનલ સમસ્યાઓને ઠીક કરવી મુશ્કેલ છે. જો આ બંને સમસ્યાઓ ઠીક નહીં થાય તો અન્ય શારિરીક પરેશાનીઓ પણ શરૂ થઇ શકે છે. તેથી જ એક્ને માટે ડોક્ટરની સલાહ ચોક્કસથી લેવી જોઇએ.

નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો પર્યાય હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.



Source link