ખરતા વાળનું મૂળ કારણ જાણી લેશો તો ફરીથી નહીં સર્જાય સમસ્યા, Dr.ની આ સલાહ કરશે મદદ

Blood Test for Hair Fall Gujarati: ખરતા વાળની સમસ્યા પુરૂષ અને મહિલા બંનેને થાય છે. મહિલાઓમાં મોટાંભાગે હોર્મોનલ ચેન્જસની કારણે વાળ ખરવાની સમસ્યા થાય છે, જ્યારે પુરૂષોમાં ટાલ (Baldness)ના કારણે હેર લોસ થાય છે. જો તમારાં વાળ સામાન્ય કરતાં વધારે માત્રામાં ખરતા હોય તો તત્કાળ ડોક્ટરનો સંપર્ક કરવો જોઇએ.

કેટલાંક ખાસ બ્લડ ટેસ્ટની મદદથી પણ ખરતા વાળનું મૂળ કારણ જાણી શકાય છે. આ અંગે ડર્મેટોલોજીસ્ટ ડોક્ટર પ્રિયંકા રેડ્ડી (Dr. Priyanka Reddy, Dermatologist)એ પોતાના સોશિયલ મીડિયા પર માહિતી શૅર કરી છે. સામાન્ય રીતે એક દિવસમાં અંદાજિત 100 જેટલાં વાળ ખરતા હોય છે, પરંતુ જો તમારાં વાળ પુષ્કળ ખરતા હોય તો તેની પાછળના કારણો કેટલાંક બ્લડ ટેસ્ટ દ્વારા જાણી શકાય છે.

આ સિવાય વાળ ખરવા પાછળ તણાવ, ન્યૂટ્રિશનલ ડેફિસિએન્સી (nutritional deficiencies), કોઇ પ્રકારની દવાઓ, વાતાવરણમાં ફેરફાર જેવા કારણો પણ જવાબદાર હોય છે. જો આ કારણોથી વાળ ખરતા હોય તો તે સમય જતાં ઠીક પણ થઇ જાય છે અને વાળ ફરીથી ઉગવાનું શરૂ થઇ જાય છે. પરંતુ જો આ સમસ્યા લાંબા સમય સુધી ચાલે તો બ્લડટેસ્ટ દ્વારા કારણ જાણીને ઇલાજ કરાવવો જરૂરી છે.

(તસવીરોઃ પિક્સાબે.કોમ, ફ્રિપિક.કોમ)

સતત ખરતા વાળ પાછળ જવાબદાર છે આ કારણો, હેર ફૉલ સહિત 10 રોગોથી બચાવશે આ ઉપાય

​આ બ્લડ ટેસ્ટ કરશે મદદ

ડર્મેટોલોજીસ્ટ અનુસાર, બ્લડ ટેસ્ટની હેર લૉસનું મુખ્ય કારણ જાણી શકાય છે અને ત્યારબાદ તેનો સચોટ ઇલાજ પણ કરી શકાય છે. જેમ કે, સીબીસી (CBC), ફેરિટિન લેવલ (Ferritin Level), થાઇરોઇડ પ્રોફાઇલ (Thyroid Profile/TSH), વિટામિન ડી (VIT D) વગેરે. આ સિવાય અન્ય ટેસ્ટ નીચે મુજબ છેઃ

  • વિટામિન બી12 અને ડી3 (Vitamin B12, Vitamin D3)
  • આયર્ન બાઇન્ડિંગ ટેસ્ટ (TIBC)
  • ટેસ્ટોસ્ટિરોન પ્રોફાઇલ (Testosterone Prfiles)
  • સલ્ફેટ ટેસ્ટ (DHEAS)
  • હોર્મોન ટેસ્ટ (SHBG)
  • પીસીઓએસ (PCOS)
  • ઝીંક (TSH)

​હોર્મોન ટેસ્ટ

હોર્મોન ટેસ્ટ (Hormone test)ની મદદથી વાળ ખરવાનું કારણ જાણી શકાય છે. શરીરમાં કેટલાંક હોર્મોન્સ જેમ કે, પ્રોલેક્ટિન, ટેસ્સટોસ્ટિરોન, કે ડીએચઇએ ઘટવાથી અથવા અચાનક વધી જવાથી પણ તેની અસર વાળ પર જોવા મળે છે. આ પ્રકારના હોર્મોન ટેસ્ટથી સમસ્યાનું મૂળ કારણ જાણવા મળે છે.

વાળ ખરવા પાછળ જવાબદાર કારણોને સમજો

​સિરમ આયર્ન ટેસ્ટ

સિરમ આયર્ન ટેસ્ટ (Serum Iron test) દ્વારા વાળમાં કોઇ પ્રકારની બીમારી હોય તેના વિશે જાણી શકાય છે. આ ટેસ્ટ ઉપરાંત ડોક્ટર તમને ફોસ્ફરસ, સિરમ, ઝીંક અને કેલ્શિયમના લેવલની તપાસ પણ કરવાની સલાહ આપે છે.

​થાયરોઇડ ટેસ્ટ

થાઇરોઇડની બીમારી ખરતા વાળનું મૂળ કારણ છે, તેથી જ જો તમારાં વાળ સામાન્ય કરતાં વધારે ખરી રહ્યા હોય અને નવા વાળ ના આવી રહ્યા હોય તો થાઇરોઇડનો ટેસ્ટ અનિવાર્ય છે. કારણ કે, શરીરમાં હોર્મોનલ ચેન્જિસના કારણે પણ વાળ ખરવાનું શરૂ થઇ જાય છે.

​સીબીસી અને વીડીએલ ટેસ્ટ

અગાઉ જણાવેલા ટેસ્ટ ઉપરાંત તમે સીબીસી (CBC test) એટલે કે, કમ્પલિટ બ્લડ કાઉન્ટ ટેસ્ટ પણ કરાવી શકો છો. આ સિવાય સિપ્લિસની બીમારીના કારણે પણ વાળ ખરતા હોય છે, જેની જાણકારી મેળવવા માટે તમારે વીડીએલ (VDL test) ટેસ્ટ કરાવવો જોઇએ.

​હેર પૂલ ટેસ્ટ

ઘણીવાર ડોક્ટર હેર પૂલ મેથડ (hair pull test)થી પણ ખરતા વાળનું કારણ જાણવાના પ્રયત્નો કરે છે. આ પ્રકારના ટેસ્ટ ઉપરાંત સ્કાલ્પ બાયોપ્સી (scalp biopsy) અને હેર પૂલ ટેસ્ટ (hair pull test) પણ કરાવી શકાય છે. હેર પૂલ એક ફિઝિકલ ટેસ્ટ છે, જેમાં ડોક્ટર વાળના મૂળ ચેક કરે છે કે, એક વારમાં કેટલાં વાળ હાથમાં આવે છે.

નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો પર્યાય હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.

શિયાળામાં વાળ ખરતાં અટકાવવા અને ગ્રોથ ઝડપી બનાવવા માટે પ્રખ્યાત ડોક્ટરના દેશી નુસખા

વાળ વધારે ખરી રહ્યા છે? પ્રખ્યાત હોમિયોપેથી ડોક્ટરે જણાવ્યા Hair Fall કંટ્રોલ કરવા માટે 10 ઉપાય



Source link