ક્રિસમસ-ન્યૂયર સેલિબ્રેશનમાં હાર્ટ-અટેકને ના આપતા આમંત્રણ, જાણો શું છે હોલિડે હાર્ટ સિન્ડ્રોમ

What is Holiday Heart Syndrome, The key signs: હોલિડે હાર્ટ સિન્ડ્રોમ (Holiday Heart Syndrome) શરાબના વધારે પડતા સેવન સાથે સંબંધિત છે. આ સિન્ડ્રોમ મેડિકલ હિસ્ટ્રી વગરના લોકોમાં પણ જોવા મળી શકે છે. વેકેશન કે પાર્ટીમાં આલ્કોહોલ સેલિબ્રેશનનો મહત્વનો ભાગ હોય છે. એવામાં જ્યારે વાત ક્રિસમસ (Christmas) અને ન્યૂયર (New Year 2023) સેલિબ્રેશનની હોય તો લોકો વેકેશન અને પાર્ટીમાં આલ્કોહોલનો આગ્રહ રાખતા હોય છે. પરંતુ શું તમે જાણો છો કે, પાર્ટીની આ જ ખાસિયત તમારાં હૃદયના ધબકારા બંધ કરી શકે છે?

નેશનલ સેન્ટર ફોર બાયોટેક્નોલોજી ઇન્ફોર્મેશન (NCBI) અનુસાર, હોલિડે હાર્ટ સિન્ડ્રોમને આલ્કોહોલ-ઇન્ડ્યૂસ્ડ એટ્રિયલ અર્થિમિયા (alcohol-induced arrhythmias) તરીકે ઓળખવામાં આવે છે. જે આલ્કોહોલના સેવનથી શરીરમાં વધતા ઇથેનોલના કારણે થાય છે.

(તસવીરોઃ પિક્સાબે.કોમ, ફ્રિપિક.કોમ)

હૃદય બંધ થતાં પહેલાં શરીર આપે છે આ પાંચ સંકેત, સમયસર પારખી લેવાથી મળશે લાંબુ જીવન

​હોલિડે હાર્ટ સિન્ડ્રોમ નામ કેમ પડ્યું?

ક્લિવલેન્ડ ક્લિનિક (Cleveland Clinic) અનુસાર, હૃદયના આ વિકાસના કેસ સૌથી વધારે વેકેશન દરમિયાન જ જોવા મળે છે, તેથી જ તેને હોલિડે હાર્ટ સિન્ડ્રોમ નામ આપવામાં આવ્યું છે. આ હૃદય સાથે સંબંધિત મુશ્કેલીઓ સોલ્ટી ફૂડ અને આલ્કોહોલના અત્યાધિક સેવન સાથે સંબંધિત હોય છે. જે મોટાંભાગે પાર્ટી-વેકેશનમાં જોવા મળે છે. આ વધારે માત્રામાં સેલિબ્રેશનનો દુષ્પ્રભાવ પણ હોય છે. પાર્ટી, મોડી રાત સુધી જાગવાથી ભલે હૃદયની સ્થિતિ તાત્કાલિક જીવલેણ ના બને, પરંતુ આગળ જતાં તે હાર્ટ ફેલ અને સ્ટ્રોક સહિત ગંભીર સમસ્યાઓનું કારણ બની શકે છે.

​હોલિડે હાર્ટ સિન્ડ્રોમના લક્ષણો

  • હૃદયના ધબકારા અચાનક વધી જવા
  • વધારે માત્રામાં થાક
  • ચક્કર આવવા અથવા બેહોશ થઇ જવું
  • હૃદયમાં દુઃખાવો અથવા બેચેની
  • પુરતો આરામ કરવા છતાં શ્વાસ લેવામાં તકલીફ

ડોક્ટર પાસેથી જાણો હૃદયરોગથી બચવાની સરળ રીત, હાર્ટને Hard બનાવવા કરો આ કામ

​હેલ્થ રિસ્ક

હોલિડે હાર્ટ સિન્ડ્રોમને ઠીક કરી શકાય છે, તેમ છતાં તે જીવલેણ મેડિકલ કન્ડિશન સાથે જોડાયેલો હોવાથી તેનું સમયસર નિદાન ના કરવામાં આવે તો સ્થિતિ બગડીશકે છે. તે અર્થિમિયા અને ન્યૂમોનિયાનું કારણ પણ બની શકે છે. આ સિવાય આ સમસ્યા થ્રોમ્બોએમ્બોલિઝ્મનું કારણ બની શકે છે જે બ્લડ ક્લોટિંગ (Blood Clotting) દ્વારા ધમનીઓમાં અવરોધ ઉભો કરી શકે છે.

​ક્રિસમસ-ન્યૂયરમાં 15 ટકા જોખમ

-15-

16 વર્ષના આંકડાઓ અનુસાર, નેશનલ હોલિડે, રમત-ગમતના આયોજન દરમિયાન માયોકાર્ડિયન ઇન્ફ્રક્શનના જોખમ પર એક સ્વીડિશ રિસર્ચ (Swedish study on the risk of myocardial infarction) અનુસાર, મોટાંભાગે ક્રિસમમ અને નવા વર્ષના વેકેશન દરમિયાન હૃદયરોગનું જોખમ વધી જાય છે. 75 વર્ષથી વધુ ઉંમરના લોકો, ડાયાબિટીસ અને કોરોનરી ધમની રોગના દર્દીઓને આનાથી બચવાની જરૂર હોય છે.

​આ રીતે કરો બચાવ

વેકેશનનો અર્થ જ છે કે, મોજમસ્તી અને તણાવને દૂર રાખવો, તેમ છતાં સ્વાસ્થ્યનું ધ્યાન રાખવું પણ એટલું જ જરૂરી છે. સ્વાસ્થ્ય નિષ્ણાતો અનુસાર, ભલે તમે વેકેશનમાં તણાવથી દૂર રહો પરંતુ તમારાં ખાન-પાનની હેલ્ધી આદતોમાં ફેરફાર ના કરો. આ સાથે જ પ્રોસેસ્ડ, પેકેજ્ડ ફૂડ, આલ્કોહોલના વધારે સેવનથી બચો. આ દરમિયાન તમારી એક્સરસાઇઝને સ્કિપ ના કરો. પુરતી માત્રામાં આરામ કરો. જો કોઇ દવાઓનું સેવન કરી રહ્યા છો તો તેને સમયસર લેવાનો આગ્રહ રાખો.

આ સમાચારને અંગ્રેજીમાં વાંચવા માટે અહીં ક્લિક કરો

નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો વિકલ્પ હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.

હાર્ટ અટેક આવવાનો સંકેત છે દાંતમાં મહિના પહેલાં જોવા મળતા આ બદલાવ, આયુર્વેદ ડોક્ટરે જણાવ્યા ઉપાય

Source link