કોરોનાના કારણે 3 વર્ષના બાળકને થઈ હૃદયની ગંભીર બીમારી, 20 દિવસની સારવાર પછી મળી નવી જિંદગી!

 

રાજકોટ: કોરોનાના કારણે ત્રણ વર્ષના બાળકને Myocarditis નામની હૃદયની ગંભીર બીમારી થઈ હતી. રાજકોટની પીડીયુ હોસ્પિટલ (PDU Hospital)માં આ બાળકની સારવાર ચાલી રહી હતી. ડૉક્ટરોના કહેવા અનુસાર બાળકનું હૃદય માત્ર 20 ટકા કાર્યરત હતું. જોકે, સારવાર બાદ બાળકની સ્થિતિ સુધરી અને તેને હોસ્પિટલમાંથી ડિસ્ચાર્જ કરવામાં આવ્યો છે. 14 ફેબ્રુઆરીએ કિશન ડાભી નામના ત્રણ વર્ષીય બાળકને કેટી ચિલ્ડ્રન હોસ્પિટલ (પીડીયુ હોસ્પિટલનો જ ભાગ છે)માં લાવવામાં આવ્યો હતો. જૂનાગઢનું આ બાળક ન્યૂમોનિયા તેમજ કોવિડ પોઝિટિવ હોવાનું નિદાન થયું હતું.

આરોગ્યક્ષેત્રે જામનગરનો ડંકો વાગશે, વિશ્વનું પ્રથમ ટ્રેડિશનલ મેડિસિન સેન્ટર બનશે

બાળકને રાજકોટ લાવવામાં આવ્યો ત્યારે તેનું ડી-ડાઈમર 8,545 અને સીઆરપી 197 હતું. પિડીયાટ્રિક વિભાગના આસિસ્ટન્ટ પ્રોફેસર ડૉ. ચેતન ભાગલગામીયાએ અમારા સહયોગી અખબાર ટાઈમ્સ ઓફ ઈન્ડિયાને જણાવ્યું, “બાળક માયોકાર્ડિટિસ (Myocarditis) નામની દુર્લભ બીમારીથી પીડાઈ રહ્યો હતો અને આ થવા પાછળનું કારણ કોરોના હતું. હૃદયના સ્નાયુઓમાં સોજો આવી ગયો હતો જેના કારણે લોહીને પંપ કરવાની ક્ષમતા ઘટી ગઈ હતી.”

સોજાના કારણે બાળકનું હૃદય માત્ર 20 ટકા કામ કરતું હતું. લગભગ 20 દિવસ સુધી બાળકની સારવાર ચાલી હતી. 10 દિવસ સુધી બાળક ઓક્સિજન સપોર્ટ પર હતું અને કાર્ડિયલ સપોર્ટ આપવા પાંચ દવાઓ અપાતી હતી. “બાળકની સારવાર અમારા માટે પડકાર રૂપ હતી કારણકે ગમે ત્યારે હાર્ટ અરેસ્ટ થવાનો અને હૃદય કામ કરતું બંધ થઈ જવાનો ભય હતો”, તેમ ડૉ. ભાલગામીયાએ ઉમેર્યું.

બે એન્જિનિયરોએ નોકરી છોડી વેજ બિરયાનીની લારી ખોલી, કહ્યું- હવે પગાર કરતાં વધારે પૈસા મળે છે

પીડીયુ હોસ્પિટલના મેડિકલ સુપ્રિટેન્ડન્ટ ડૉ. આર.એસ. ત્રિવેદીએ કહ્યું, “અમે બાળકને જરૂરી તમામ દવાઓ અને સારવાર આપી હતી. કિશને સાજો થતાં 17 દિવસ લાગ્યા અને તેનો બધો જ શ્રેય અમારા તબીબો અને નર્સોને જાય છે જેમણે તેને આ દુર્લભ બીમારીમાંથી ઉગાર્યો.”

કિશનના પિતા મહેશ ડાભીએ કહ્યું, “મારા દીકરાનો નવો જન્મ થયો છે. અમે બધી જ આશા ગુમાવી દીધી હતી પરંતુ ડૉક્ટરોએ તેને નવું જીવન આપ્યું છે.” ઉલ્લેખનીય છે કે, કેટી ચિલ્ડ્રન હોસ્પિટલે એક વર્ષમાં 4,662 બાળકોની સારવાર કરી છે.

Source link