કોરોનાથી વધુ ભયાનક મહામારીનું જોખમ? વૈજ્ઞાનિકોએ જીવિત કર્યો 48,500 વર્ષથી દબાયેલો Zombie Virus

Zombie Virus (Pithovirus sibericum): ધીમે-ધીમે ધરતીનું તાપમાન (ગ્લોબલ વોર્મિંગ) વધી રહ્યું છે અને તેના કારણે ગ્લેશિયર અને બરફ પીગળી રહ્યા છે. હવે સાઇબેરિયામાં બરફની અંદરથી ઝોમ્બી વાયરસ નિકળ્યો છે, જે અંદાજિત 48,500 વર્ષોથી દબાયેલો હતો. વૈજ્ઞાનિકોએ આ ઝોમ્બી વાયરસને ફરીથી જીવિત કરી દીધો છે.

રશિયામાં આવેલાં સાઇબેરિયાના મોટાંભાગ ક્ષેત્રમાં 12 મહિને બરફ જામેલો હોય છે. આ બરફને પરમાફ્રોસ્ટ કહે છે. પરંતુ ગ્લોબલ વોર્મિંગના કારણે હવે આ બરફ પિગળવા (permafrost thawing) લાગી છે. આ બરફની નીચેથી 13 નવા વાયરસ મળ્યા છે જેમાં એક 48,500 વર્ષ જૂનો છે અને તેને પેન્ડોવાયરસ યેડોમા (Pandoravirus yedoma) નામ આપવામાં આવ્યું છે.

Science Alert રિપોર્ટ અનુસાર, આ ખતરનાક વાયરસનું અધ્યયન કરવા માટે વૈજ્ઞાનિકોએ ફરીથી તેને જીવિત કર્યો છે. આ રિસર્ચ ફ્રેન્ચ નેશનલ સેન્ટર ફોર સાયન્ટિફિક રિસર્ચ (French National Center for Scientific Research)ના વૈજ્ઞાનિકોએ કર્યું છે. આ ગ્રૂપમાં રશિયા, ફ્રાન્સ અને જર્મનીના સાયન્ટિસ્ટ સામેલ છે.

(તસવીરોઃ પિક્સાબે.કોમ, ફ્રિપિક.કોમ)

શું હોલિવૂડ ફિલ્મ Contagion જેવી સ્થિતિ રિયલ લાઇફમાં પણ થશે? કોરોના જેવા નવા વાયરસથી ચિંતા

​આ વાયરસ કેટલો જોખમી?

bioRxiv પર પ્રકાશિત રિસર્ચમાં વૈજ્ઞાનિકોએ જણાવ્યું કે, અમીબા વાયરસ છોડ, જાનવરો અને મનુષ્યોમાં ખતરનાક બીમારી ઉભી કરી શકે છે. આ વાયરસ જમીનમાંથી ફરીથી બહાર કાઢવો ખૂબ જ ખતરનાક સાબિત થઇ શકે છે. જો કે, તેના ખતરનાક પરિણામોને જાણવા માટે હજુ અનેક અધ્યયનો કરવાનું બાકી છે.

​હજારો વર્ષ જૂનો વાયરસ

13 વાયરસને ખોલનાર સાયન્ટિટ્સ અનુસાર, તેમાંથી 9 વાયરસ દસ હજાર વર્ષથી જૂના છે. આ તમામ વાયરસ જીનોમના મામલે પહેલેથી મોજૂદ વાયરસથી તદ્દન અલગ છે. જે માનવ પ્રજાતિ માટે ખૂબ જ સંક્રામક સાબિત થઇ શકે છે.

ભારતમાં કોરોનાની ચોથી લહેરની શરૂઆત? ઝડપથી ફેલાતા Omicron XBB Variantથી બચાવશે આ ટિપ્સ

​રશિયાના સરોવરમાંથી મળ્યો વાયરસ

વિશાળકાય ઝોમ્બી વાયરસ રશિયાના સાઇબેરિયાના સરોવર નીચેથી મળી આવ્યો છે. આ સિવાય અન્ય વાયરસને બરફમાં દટાયેલા મોટાં ઉન અને સાઇબેરિયન વરૂના આતરડાંમાંથી શોધવામાં આવ્યો છે. ઉલ્લેખનીય છે કે, સાઇબેરિયન નોર્ધન હેમિસ્ફિયરનો એક હિસ્સો છે અને આ ગોળાર્ધનો એક ચતુર્થાંસ હિસ્સો માત્ર બરફથી ઢંકાયેલો રહે છે.

​ધરતી નીચે ઢંકાયેલા રહસ્યોની શરૂઆત

સાયન્સ એલર્ટ (Science Alert) અનુસાર, કેલિફોર્નિયા યુનિવર્સિટીના વાયરોલોજીસ્ટ ઇરિક ડેલ્વાર્ટે કહ્યું કે, આ વિશાળકાય વાયરસ મળવો ધરતીની નીચે મોજૂદ રહસ્યોની માત્ર શરૂઆત છે. તેઓએ આ વાયરસની સાથે અજાણતા જ નાના અનેક વાયરસ જીવિત થતા હોવાની ચેતાવણી આપી છે.

નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો વિકલ્પ હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.

Source link