કુંવરજી બાવળિયા ભાન ભૂલ્યા! ‘રુપિયા માગી અને RTI કરશો તો ખાવાનો વારો આવશે’ કથિત ઓડિયો વાયરલ

 

ગુજરાતમાં આ વિધાનસભા ચૂંટણી વર્ષ છે અને હવે એક પછી એક જુદા જુદા પક્ષોના રાજકરણીઓનો ઓડિયો-વીડિયો આવી શકે છે. તો કેટલાક નેતા ચૂંટણીની લ્હાયમાં ભાન ભૂલીને વિવાદાસ્પદ નિવેદનો પણ કરી શકે છે. જેમાં તાજેતરમાં રાજ્યના શિક્ષણ પ્રધાન વાઘાણી બાદ હવે પૂર્વ મંત્રી અને હાલ જસદણ વિંછિયા તાલુકાના ધારાસભ્ય કુંવરજી બાવળિયા પણ ભાન ભૂલ્યા હોય તેવી એક ઓડિયો ક્લિપ વાયરલ થઈ રહી છે. જોકે આ ઓડિયો ક્લિપ અંગે iamgujarat.com કોઈ પુષ્ટી કરતું નથી. જેંમાં તેઓ તાલુકા પંચાયતનાં મહિલા સદસ્યના પતિને ફોનમાં ધમકી આપતા હોય એ રીતે વાત કરી હતી.

ઓડિયો ક્લિપમાં બાવળિયાને કહેતા સાંભળી શકાય છે કે રુપિયા માગી અને RTI કરશો તો ખાવાનો વારો આવશે, પાછા બધા ભાગબટાઈની વાતો કરો છો. જે મામલે કુંવરજી બાવળિયાએ જાહેરમાં ચર્ચા કરવા માટે જણાવ્યુ. લાગતા વળગતા અધિકારીઓને હાજર રાખીને ત્રણ ચાર દિવસમાં હું આવુ એટલે જાહેરમાં જ તમામને ખુલ્લા પાડવા જણાવી રહ્યા હતા. વાતચીત દરમિયાન મહિલા સભ્યના પતિ જ્યારે કુંવરજી બાવળિયાને કાકા કહે છે ત્યારે પણ તેઓ આકરા થઇને જણાવે છે કે હું કાકો નથી તારો.ત્યારબાદ વાતચીત દરમિયાન મહિલા સભ્યના પતિએ RTI કરવાની વાત કરી તો કુંવરજી બાવળિયા ગુસ્સે થઇ ગયા અને કહ્યું કે એક તો પૈસા માગો છો અને RTI પણ કરાવશો તો માર ખાવાનો વારો આવશે.


ભવાન સરવૈયાઃ સાહેબ દરબારોએ કંઇ કહ્યું નથી.
કુંવરજી બાવળિયાઃ જી

ભવાન સરવૈયાઃ મેં જ રિક્વેસ્ટ કરેલી છે.
કુંવરજી બાવળિયાઃ સાંભળો…ભવાનભાઈ ચંદ્રસિંહરાજ, ઉકાભાઈ, કુંડીવાળુ કરી ગયો એ ભાઈ આ બધાને બોલાવોને હું આવું, ગામ વચ્ચે ચોકમાં આપણે મિટિંગ રાખીએ.

ભવાન સરવૈયાઃ હું સાહેબ નહીં આવી શકું.
કુંવરજી બાવળિયાઃ કેમ શું કામ ન આવી શકો?

ભવાન સરવૈયાઃ હું નહીં આવી શકું.
કુંવરજી બાવળિયાઃ મિટિંગ હું રાખવાનો છું, સાંભળો તમે આવો ત્યાં હુ ખુલ્લા પાડી દેવાનો છું કે આ પાઇપલાઇન નથી નાખી એવી વાતો કરો છો પાછા.

ભવાન સરવૈયાઃ હું વાતો નથી કરતો
કુંવરજી બાવળિયાઃ બજાર વચ્ચે ભવાન હોય, ચંદ્રરાજસિંહ હોય, વસ્તાભાઈ હોય એકેયમાં આપણે શરમ નથી રાખવી હાલો.

ભવાન સરવૈયાઃ હા તો વાંધો નહીં, શરમ ન રાખવી હોય તો હું આવીશ.
કુંવરજી બાવળિયાઃ ના ના ચોકમાં જ મિટિંગ રાખવી છે, 43 લાખ રૂપિયાનું કામ મંજૂર કરાવ્યું હોય અને તમે બધા ભાગબટાઈની વાતો કરો છો. ફરિયાદ કરો કેમ કામ થાય છે. હું આ મિટિંગ ચોકમાં જ રાખવાનો છું.

ભવાન સરવૈયાઃ અઢી ફૂટની આપણે ગટગ કરવાની હતી, RTI કરવાનો છું.
કુંવરજી બાવળિયાઃ સાંભળો, બધાની વચ્ચે આપણે બધી વાત કરી લઇશું.

ભવાન સરવૈયાઃ બોલાવજો પછી પણ પહેલા હું RTI કરી નાખું.
કુંવરજી બાવળિયાઃ ના ના હવે કંઇ કરવું નથી.

ભવાન સરવૈયાઃ એ કુંવરજી કાકા, એવું નથી પોસાય તેવું.
કુંવરજી બાવળિયાઃ હું તારો કાકો નથી થાતો

ભવાન સરવૈયાઃ તો દાદા
કુંવરજી બાવળિયાઃ હા, બરાબર

ભવાન સરવૈયાઃ દાદા કાલે મારે એવું નથી થાય તેમ
કુંવરજી બાવળિયાઃ કાલે નહીં પરમદિવસે, હું બે-ત્રણ દિવસમાં જ આવવાનો છું.

ભવાન સરવૈયાઃ કાલે હું RTI કરવાનો છું
કુંવરજી બાવળિયાઃ તો ખાવાનો વારો આવે, પૈસા તમે માગો અને RTI કરો તો ખાવાનો વારો આવે, RTI કરો તોય કંઇ ન થઇ જાય.

પૂર્વ મંત્રી કુંવરજી બાવળિયાની કથિત ઓડિયો ક્લીપ વાયરલ થતા સમગ્ર સૌરાષ્ટ્રમાં ચર્ચા જગાવી છે.. ભવાનજીભાઇ સરવૈયા સાથે કુંવરજીબાવળિયા વાત કરી રહ્યા હોય તેવો ઓડિયો ક્લિપ વાયરલ થયો છે.ભવાન સરવૈયાએ ગામના કરાયેલા ગટરલાઈન અને પાણીના કામકાજ અંગે સવાલો કર્યા હતા. તેમણે આ કામગીરી નબળી થઈ હોય તેવુ કુંવરજીને કહ્યુ હતું. જે મામલે કુંવરજી બાવળિયા ગુસ્સે ભરાયા હતા. બંને વચ્ચે ફોન પર વાતચીત થઈ હતી. ફોન પર જ બાવળિયાએ ભવાન સરવૈયાને ધમકી આપી હતી.

Source link