કામરેજમાં ઘર જમાઈએ પત્ની, સાસુ-સસરાને ઢીબી નાખતા પોલીસ ફરિયાદ!

 

સુરતઃ કામરેજ તાલુકાના અલૂરા ગામમાં રહેતા પતિએ પત્ની, સાસુ અને સસરાને જોરદાર માર (Husband beat wife) માર્યો હતો. પતિ છેલ્લાં 2 વર્ષથી ઘર જમાઈ તરીકે રહેતો હતો. પતિએ તેની પત્નીને પૈસા આપતા તેણે પૈસા લેવાની ન પાડી હતી. જેની ખોટી શંકા રાખતા પતિ ઉશ્કેરાઈ ગયો હતો અને ગુસ્સામાં આ પગલું ભર્યુ હતુ. ગુસ્સે ભરાયેલા પતિએ લાકડીથી પત્ની, સાસુ અને સસરાને જોરાદર માર માર્યો હતો. આ ઘટના જોઈને આસપાસના લોકો પણ એકત્ર થઈ ગયા હતા. એટલું જ નહીં પતિએ પત્ની, સાસુ અને સસરાને માર મારીને ઈજાઓ પહોંચાડી હતી. બાદમાં જાનથી મારી નાખવાની ધમકી આપીને ત્યાંથી રફુચક્કર થઈ ગયો હતો. જે બાદ આખો મામલો પોલીસ સ્ટેશનમાં (Bardoli news) પહોંચ્યો હતો.

પ્રાપ્ત રિપોર્ટ મુજબ, પલસાણા તાલુકાના ગંગાપુર ગામના અગિયારગાળા ફળિયામાં રહેતા મુકેશ રમેશભાઈ રાઠોડના લગ્ન અલૂરા ગામમાં રહેતી વર્ષાબેન કાંતિભાઈ રાઠોડ સાથે થયા હતા. લગ્ન બાદ બંનેને બે બાળકો પણ છે. જો કે, લગ્નનના 16 વર્ષ બાદ મુકેશ રાઠોડ તેની પત્ની સાથે અવાર નવાર બોલાચાલી અને ઝઘડો કરતો હતો. અવાર નવાર ઝઘડાથી કંટાળી મુકેશ તેની પત્ની વર્ષાબેન સાથે અલૂરા ગામે રહેવા આવી ગયો હતો. જ્યાં તે છેલ્લાં બે વર્ષથી ઘર જમાઈ તરીકે રહેતો હતો. ગઈ કાલે વર્ષાબેન પોતાની માતા સાથે મજૂરી કામે ગઈ હતી. સાંજના સમયે તેઓ ઘરે પરત ફર્યા હતા. એ સમયે મુકેશ પણ ઘરે આવ્યો હતો.

આ દરમિયાન મુકેશે વર્ષાબેનને પૈસા આપવાનો પ્રયાસ કર્યો હતો. જો કે, વર્ષાબેને આ પૈસા લેવાનો ઈનકાર કર્યો હતો. વર્ષાબેને પૈસા લેવાનો ઈનકાર કરતા કહ્યું કે, તે અત્યારે પૈસા આપે છે અને પછી બાદમાં આ પૈસા પાછા માગી લે છે. બસ આ વાતથી મુકેશ ઉશ્કેરાઈ ગયો હતો. આ વાતની ખોટી શંકા રાખીને મુકેશ ભારે ગુસ્સે થયો હતો. ઉશ્કેરાઈ ગયેલો મુકેશ લાકડી લઈને આવ્યો અને બાદમાં પત્ની વર્ષાબેનને માર માર્યો હતો. વર્ષાબેનને માર મારતા જોઈને તેના પિતા કાંતિભાઈ અને માતા લક્ષ્મીબેન તેને છોડાવવા માટે વચ્ચે પડ્યા હતા. પરંતુ મુકેશ ગુસ્સામાં હતો અને પછી તેણે પોતાના સાસુ-સસરાને પણ માર માર્યો હતો. ઉશ્કેરાયેલા મુકેશે માર મારીને તેઓને ઈજાગ્રસ્ત કર્યા હતા. ઈજાગ્રસ્તોનો આક્ષેપ છે કે, મુકેશ તેઓને જાનથી મારી નાખવાની પણ ધમકી આપી હતી. બાદમાં તે ત્યાંથી નાસી છૂટ્યો હતો.

આ ઘટના બાદ આસપાસના લોકો પણ દોડી આવ્યા હતા. બાદમાં ઈજાગ્રસ્ત વર્ષાબેન, સાસુ અને સસરાને સારવાર માટે હોસ્પિટલ ખસેડવામાં આવ્યા હતા. જાણ થતાં કામરેજ પોલીસ પણ ઘટના સ્થળે પહોંચી હતી. વર્ષાબેન અને તેમના માતા-પિતાની ફરિયાદ બાદ પોલીસે ગુનો નોંધીને આગળની કાર્યવાહી હાથ ધરી હતી. જો કે, પતિ મુકેશ નાસી છૂટ્યો હોય તેને પકડી પાડવા પોલીસે કાર્યવાહી હાથ ધરી હતી.

Source link