કરચલીઓ અને પ્રિમેચ્યોર એજિંગની નિશાનીઓ દૂર કરશે 7 એન્ટી-એજિંગ ફૂડ્સ, એક્સપર્ટની ખાસ ટિપ્સ

Anti-Ageing Foods for Glowing Skin: પ્રદૂષણ, અનહેલ્ધી લાઇફસ્ટાઇલના કારણે 20 કે 30ની ઉંમરમાં પણ ઘણીવાર સ્કિન નિસ્તેજ, ફાઇન-લાઇન્સ અને આંખોની આસપાસ રિન્કલ્સ જેવી સમસ્યાઓ જોવા મળે છે. જો તમે પણ આ જ પ્રકારની સમસ્યાથી ઘેરાયેલા હોવ તો ખાસ કરીને પ્રિમેચ્યોર એજિંગથી તો ન્યૂટ્રિશનિસ્ટ પાસે તેનો ઉપાય છે.

ચહેરા પર પ્રિમેચ્યોર એજિંગની નિશાનીઓ પાછળ તણાવ, ભાગદોડવાળું જીવન, અયોગ્ય ખાન-પાનની રીત જેવા કારણો હોઇ શકે છે. જો કે, વ્યસ્ત લાઇફસ્ટાઇલના કારણે સ્કિનને થતાં નુકસાનની ગતિને ધીમી કરવા ઉપરાંત ચહેરાને ફરીથી યંગ અને ગ્લોઇંગ લૂક આપવો શક્ય છે. આ માટે તમારે ભોજનમાં કેટલીક સામાન્ય વસ્તુઓ એડ કરવાની છે.

સેલિબ્રિટી ન્યૂટ્રિશનિસ્ટ અંજલિ મુખરજી (Anjali Mukerjee, Nutritionist) શિયાળામાં સરળતાથી મળતા શાકભાજી અને ફ્રૂટ્સ વિશે માહિતી આપે છે જેના સેવનથી ચહેરા જ નહીં બોડી-સ્કિનને પણ અનેકગણો ફાયદો મળશે.

(તસવીરોઃ પિક્સાબે.કોમ, ફ્રિપિક.કોમ)

​ગાજર

ગાજરમાં બીટા કેરોટિન અને ઓરેન્જ પિગ્મેન્ટ્સ હોય છે જે સ્કિનને યૂથફૂલ રાખવામાં મદદ કરે છે ઉપરાંત બ્લડ કોલેસ્ટ્રેલમાં પણ ઘટાડો કરે છે. ગાજર ઇમ્યૂન સિસ્ટમને બૂસ્ટ કરે છે જેનાથી નાની-મોટી બીમારીઓ સામે લડવામાં મદદ કરે છે. દરરોજ ગાજરનો એક ગ્લાસ જ્યૂસ પીવાથી આંખોની રોશની વધે છે અને લંગ કેન્સર (lung Cancer)ના જોખમમાં પણ ઘટાડો થાય છે.

​દ્રાક્ષ

આ ખાટાં-મીઠા ફળમાં રેસ્વેરાટ્રોલ અને વિટામિન સી ભરપૂર માત્રામાં રહેલું છે. એન્ટી-એજિંગ પ્રોપર્ટીઝવાળા દ્રાક્ષ સ્કિન સેલ્સને તૂટતા અટકાવે છે. જો તમે દરરોજ કાળી દ્રાક્ષનો રસ પીવો છો તો તેનાથી આર્ટરીમાં બ્લડ ક્લોટ ફોર્મેશનના જોખમને પણ ઘટાડી શકાય છે.

સ્કિનનો ગ્લો અને યૂથફૂલ લૂક જાળવવા માટે એક્સપર્ટની ટિપ્સ

​સંતરા

સંતરામાં માત્ર વિટામિન સી જ નહીં પણ એન્ટી-ઓક્સિડન્ટ્સ પણ ભરપૂર માત્રામાં રહેલું છે, તે સ્કિન માટે તો શ્રેષ્ઠ છે જ સાથે તે કેન્સર સામે રક્ષણ આપવામાં અને કોલેસ્ટ્રોલ તેમજ બ્લડપ્રેશરને નિયંત્રિત રાખવામાં પણ મદદરૂપ સાબિત થાય છે.

​ડુંગળી

લગભગ દરેક શાકમાં ઉપયોગમાં લેવાતી ડુંગળીમાં એન્ટી-ઓક્સિડન્ટ્સના ગુણ હોય છે જે આર્ટરી ક્લોટિંગથી બચાવ કરે છે, સારા કોલેસ્ટ્રેલ લેવલમાં વધારો કરે છે. જો તમે એક્ટિવ એક્ને બ્રેકઆઉટની સમસ્યાથી લડી રહ્યા છો તો ડુંગળીના સેવનથી ફાયદો થશે. ડુંગળી સ્કિન પર થતાં બેક્ટેરિયાને દૂર કરે છે, ખાસ કરીને એવા બેક્ટેરિયા જેનાથી સ્કિન પર બળતરાં થતી હોય. ડુંગળી ખાવાથી સ્કિન પર એક્નેની સમસ્યા નથી થતી.

​કોબીજ

કોબીજમાં રહેલું એન્ટી-ઓક્સિડન્ટ્સ સ્કિન સેલ્સને ડેમેજ થતા અટકાવે છે, ઉપરાંત તેને સૂર્યના હાનિકારક કિરણોથી સુરક્ષિત રાખે છે. તમે કોબીજને કાચી ખાવ અથવા સલાડ કે તેનું શાક બનાવીને પણ ખાઇ શકો છો. ડોક્ટર મુખરજી (Anjali Mukerjee) અનુસાર, કોબીજ ખાવાની શ્રેષ્ઠ રીત છે તેને હળવી ફ્રાય કરીને અથવા બાફીને ખાવી, આનાથી તેમાં રહેલા પોષક તત્વો વધારે સારી રીતે શરીરમાં એબ્ઝોર્બ થઇ જાય છે.

​પાલક

પાલકમાં હાઇ-વૉટર કન્ટેન્ટ હોય છે, જે કરચલીઓ દૂર કરવામાં મદદરૂપ થાય છે. આ ગ્રીન શાકભાજીથી મોતિયાની સમસ્યા પણ નથી થતી. પાલકમાં વિટામિન કે (Vitamin K for Skin) વધારે માત્રામાં હોય છે, જે લોહીની નસોને મજબૂત બનાવે છે ઉપરાંત ફેફસાનું કેન્સર અને હૃદયરોગથી શરીરને સુરક્ષિત રાખે છે.

​ટામેટાં

ટામેટાં એન્ટી-ઓક્સિડન્ટ્સ અને લાઇકોપીનના પ્રમુખ સ્ત્રોતમાંથી એક છે. તે એસોફેગસ, પેટ અને કોલન કેન્સરથી શરીરને બચાવે છે. ટામેટાંને પકાવ્યા બાદ કે કેનમાં પેક કર્યા બાદ પણ તેનું લાઇકોપીન નષ્ટ નથી થતું. તેથી તેનો જ્યૂસ બનાવીને પીવો, સૉસ તરીકે ખાવ અથવા ગ્રેવી તરીકે તેનો ઉપયોગ કરો, આ લાલ શાકભાજી તમારાં યંગ લુક્સને લાંબા સમય સુધી જાળવી રાખવા માટે ઉત્તમ છે.

નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો પર્યાય હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.



Source link