કબૂતરબાજી: કેનેડાની વર્ક પરમિટના બહાને 15 લાખની ઠગાઈની વસ્ત્રાપુર પોલીસમાં ફરિયાદ

અમદાવાદ: વર્ક પરમિટના બહાને કેનેડા લઈ જવાનું કહી ઘાટલોડિયાના યુવક સાથે 15 લાખની ઠગાઈ કર્યા હોવાની વસ્ત્રાપુર પોલીસ સ્ટેશનમાં ફરિયાદ નોંધાઈ છે. વિઝા કન્સલ્ટન્ટે રૂપિયા લઈ લીધા પરંતુ બાદમાં કોઈપણ પ્રકારની કામગીરી ન કરતા પોલીસે છેતરપિંડી બદલ વધુ તપાસ હાથ ધરી છે. ઉલ્લેખનીય છે કે, ગુજરાતમાંથી છેલ્લા ઘણા લાંબા સમયતી લોકોને વિદેશમાં સેટલ કરી આપવાના અન વર્ક પરમિટના નામે લેભાગુ એજન્ટો દ્વારા લાખો રૂપિયા પડાવવામાં આવી રહ્યા છે. ઘણી વખત એજન્ટોના ભરોસે વિદેશ પહોંચી જતાં ગુજરાતી પરિવારોના જીવ જોખમમાં મૂકાયા હોય તેવા બનાવો ભૂતકાળમાં પણ બન્યા છે.

વસ્ત્રાપુર પોલીસ સ્ટેશનમાં નોંધાયેલી ફરિયાદ અનુસાર ઘાટલોડિયામાં રહેતા વિશાલ નાગર નામના યુવકે કેનેડામાં સ્થાયી થવાનું હોવાથી તે ગુરુકુળ રોડ પરની ઉડાન હોલીડેની ઓફિસ પર ગયો હતો. જ્યાં સંચાલક હર્ષિત પટેલે તેમને પોતાની કંપનીની કામગીરી સમજાની અને ઘણા બધાને વર્ક પરમિટ અપાવી કેનેડા મોકલેલા તેના ફોટા બતાવ્યા હતા. જેથી વિશાલ પટેલ પર વિશ્વાસ કરવા લાગ્યો અને તેને પણ વર્ક પરમિટ કેનેડાના વિઝા માટે હર્ષિત પટેલ સાથે વાત કરી હતી. જેથી હર્ષિતે તેને કંપનીની તમામ ફોર્માલિટી કમ્પલિટ કરવા કહ્યું હતું.

બાદમાં નાગરને કેનેડાના વર્ક પરમિટ વિઝા બનાવવાની પ્રોસેસના 2 લાખ રૂપિયા અને જરૂરી ડોક્યુમેન્ટ જમા કરાવવા કહ્યું હતું. જેથી વિશાલ નાગરે 50000 ટ્રાન્સફર કરાવ્યા હતા. જો કે, પાંચેક મહિના રાહ જોયા બાદ વિશાલ નાગરે તેમનો સંપર્ક કર્યો હતો. તેમણે કોઈ સંતોષકારક જવાબ આપ્યો નહોતો. જેથી તેણે વિઝા પરમિટ 25 જાન્યુઆરી 2020ના લખાણ મુજબ કરી આપી ન હોવાથી રૂપિયા પાછા માંગ્યા ત્યારે હર્ષિલ પટેલે બે મહિનામાં ફાઈલ પાસ થઈ જશે તેવું જણાવ્યું હતું.

બાદમાં 2021માં હર્ષિલ પટેલનો સંપર્ક કર્યો ત્યારે પણ તેણે કહ્યું કે, કોરોનાને કારણે તેમની ફાઈલ કેન્સલ થઈ ગઈ છે અને તમને રૂપિયા પાછા મળી જશે. વિઝા કેન્સલની પ્રોસેસ 45 દિવસની છે જે પ્રોસેસ પૂરી થયા બાદ રૂપિયા આપી દઈશ. 3 મહિના બાદ વિશાલ નાગરે હર્ષિલ પટેલ ફોન કર્યો તો તેમણે રીસિવ કર્યો નહી અને ઓફિસ ગયા તો મળ્યો પણ નહી. બાદમાં ફોન પર હર્ષિલ પટેલે કહ્યું કે, કામથી મુંબઈ ગયો છે અમદાવાદ આવીને ફોન કરશે. જો કે, ત્યારબાદ કોઈ આવ્યું નહીં અને ફોન પણ ઉપાડ્યો છે.

ફરિયાદ અનુસાર 16 માર્ચથી 2019થી અત્યાર સુધી હર્ષિલ પટેલે વિશાલ નાગર સાથે 2 લાખ, વિરજ પટેલ 5 લાખ, નીલ પટેલ અઢી લાખ, ભોતિક પટેલ અઢી લાખ, જીલ પટેલ ત્રણ લાખ એમ કુલ 15 લાખ લઈને કેનેડાના વર્ક પરમિટ નહી આપી છેતરપિંડી આચરી હોવાથી વસ્ત્રાપુર પોલીસે વધુ તપાસ હાથ ધરી છે.

Source link