એરપોર્ટ પર VIP બંદોબસ્ત વચ્ચે ફ્રેન્ડને ડ્યૂટી સોંપી મહિલા કોન્સ્ટેબલ BF સાથે ફરવા જતી રહી!

 

અમદાવાદ: અમદાવાદ એરપોર્ટ પર VIP બંદોબસ્ત વચ્ચે ફેંન્ડને ડ્યૂટી સોંપી મહિલા કોન્સ્ટેબલ બોયફ્રેન્ડ સાથે ફરવા જતી રહી હોવાનો કિસ્સો સામે પોલીસ બેડામાં ચર્ચાનો વિષય બન્યો છે. મીડિયા રિપોર્ટ અનુસાર એરપોર્ટ વીઆઈપી મૂવમેન્ટ ચાલતી હતી તેવા સમયે એક હથિયારી મહિલા કોન્સ્ટેબલ તેના બોયફ્રેન્ડ સાથે ફરવા જતી રહી હતી. મહિલા કોન્સ્ટેબલ તેની ફ્રેન્ડને ડયૂટી ઉપર મુકીને ગઈ હતી અને આ ફ્રેન્ડ ગન જમા કરાવવા ગઈ તેવા સમયે ભાંડો ફૂટયો હતો. ચર્ચાઈ રહેલી ઘટનામાં સત્ય જાણવા માટે તપાસ શરૂ કરાઈ હોવાનું સૂત્રો પાસેથી જાણવા મળ્યું છે.

વીઆઈપી મુવમેન્ટ દરમિયાન બનેલો કિસ્સો ચર્ચાસ્પદ
અમદાવાદ પોલીસમાં ચર્ચાસ્પદ બનેલા કિસ્સા મુજબ વિતેલા પખવાડિયા દરમિયાન અમદાવાદમાં વીઆઈપી મૂવમેન્ટ રહી હતી તે દરમિયાન હથિયારી પોલીસ કર્મચારીઓને એરપોર્ટમાં ડયૂટી અપાઈ હતી. પોલીસ હેડ કવાર્ટરની હથિયારી પોલીસની એક મહિલા કોન્સ્ટેબલને એરપોર્ટ ઉપર ડયૂટી સોંપાઈ હતી. પરંતુ, બોયફ્રેન્ડ સાથે ફરવા જવાનું નક્કી થતાં મહિલા કોન્સ્ટેબલ તેની ફ્રેન્ડને પોતાની જગ્યા ઉપર મુકીને જતી રહી હતી.

આ કિસ્સામાં માફી અપાયાની પણ ચર્ચા, ચાલી રહી છે તપાસ
આ દરમિયાન મહિલા કોન્સ્ટેબલની ફ્રેન્ડે ડયૂટી બજાવી હતી. મહિલા કોન્સ્ટેબલને સોંપાયેલી ગન પરત સોંપવા માટે આ ફ્રેન્ડ હેડક્વાર્ટરમાં ગઈ ત્યારે પકડાઈ ગઈ હતી. સૂત્રો પાસેથી પ્રાપ્ત માહિતી અનુસાર ચર્ચાસ્પદ બનેલા આ કિસ્સામાં માફી અપાયાની પણ ચર્ચા છે. કિસ્સો વધુ ચર્ચાતા તપાસ ચાલી રહી હોવાનું સરકારી અધિકારીઓના સૂત્રોએ જણાવ્યું છે.

Source link