એજિંગ અને કરચલીઓને લાંબી ઉમરે દૂર રાખવા માટે અજમાવો એક્સપર્ટની આ સલાહ, ત્વચા રહેશે યૂથફૂલ

Collagen-rich Foods for Skin Gujarati: શું તમે પણ યૂથફૂલ, ગ્લોઇંગ અને કરચલીઓ રહિત સ્કિન ઇચ્છો છો? હકીકતમાં ઉંમર વધવા છતાં એજિંગની નિશાનીઓ દેખાય નહીં, ત્વચા બેદાગ રહે તેવું દરેક યુવતી ઇચ્છતી હોય છે.

જો કે, આજકાલ તણાવગ્રસ્ત લાઇફસ્ટાઇલ, અનહેલ્ધી ડાયટની અસર આપણાં વાળ અને સ્કિન પર જોવા મળતી હોય છે. સ્કિનને એજિંગની નિશાનીઓથી દૂર રાખવા માટે જરૂરી છે કે, શરીરમાં પર્યાપ્ત માત્રામાં કોલેજન પ્રોડક્શન બનતું હોય. કોલેજન ની ઉણપના કારણે એજિંગની નિશાનીઓ સ્પષ્ટ દેખાવા લાગે છે.

કોલેજન એક પ્રોટીન છે જે સ્કિનને લવચિક, હેલ્ધી અને બેદાગ બનાવે છે. આ ઉપરાંત તે બ્લડ સર્ક્યુલેશનમાં સુધાર માટે પણ ઉપયોગી છે. યૂથફૂલ સ્કિન ઉપરાંત આર્થરાઇટિસ જેવી બીમારીઓથી રહેવા માટે ડાયટમાં વધુમાં વધુ કોલેજન રિચ ફૂડ સામેલ કરવા જોઇએ. ગટ હેલ્થ ડાયટિશિયન અને ન્યૂટ્રિશનિસ્ટ મનપ્રિત કાર્લા (Dt. Manpreet Kalra, Dietitian/Nutritionist)એ 10 એવા ફૂડ વિશે માહિતી આપી છે જે તમને ઉંમરના 40થી વધુ વર્ષ બાદ પણ યૂથફૂલ સ્કિન આપશે.

(તસવીરોઃ પિક્સાબે.કોમ, ફ્રિપિક.કોમ)

​કોલોજનની ઉણપની નિશાનીઓ

શરીરમાં કોલેજન પ્રોડક્શન મંદ છે અથવા તેની ઉણપ થઇ રહી છે, તેનો ખ્યાલ તમારી ડલ અને બેજાન સ્કિન પરથી આવી જાય છે. કોલેજન પ્રોડક્શન ઓછું હોય તો ત્વચા નિરસ દેખાય છે, આ ઉપરાંત પિગ્મેન્ટેશન અને કરચલીઓ અને પ્રિમેચ્યોર એજિંગની નિશાનીઓ જોવા મળે છે. ઉપરાંત સતત થાક, સાંધાનો દુઃખાવો જેવી સમસ્યાઓ પણ થાય છે.

સ્કિનને હેલ્ધી અને યૂથફૂલ રાખવા માટે ડાયટ ફૂડ

​ચણા અને મશરૂમ ખાવ

અઠવાડિયામાં બે વખત ચણાનું શાક કે કઢી ખાવાથી કોલેજન પ્રોડક્શન વધે છે. આ સિવાય અઠવાડિયામાં ત્રણ વખત મશરૂમને અન્ય વેજીટેબલ સાથે મિક્સ કરીને ખાવાથી પણ ત્વચા હેલ્ધી બને છે.

​કોકો અને આમળા

કોકોનો ઉપયોગ તમે સ્મૂધીમાં કરી શકો છો, આ માટે 1/2tsp કોકો પણ પુરતું છે. જ્યારે આમળાનું સેવન તમે અલગ અલગ પ્રકારે કરી શકો છો. તમે આમળા અને બીટરૂટનો જ્યૂસ બનાવીને પી શકો છો અથવા આમળાની ચટણી પણ બનાવીને ખાઇ શકો છો.

​કોબિજ અને કુટ્ટુ

અઠવાડિયામાં બે વખત કોબિજનું શાક ખાવ, જ્યારે ચીલાને તમે અઠવાડિયામાં ત્રણ વખત અલગ અલગ પ્રકારે ઉપયોગ કરી શકો છો. ત્વચાને હેલ્ધી રાખવા માટે અગાઉથી પલાળેલા કાજૂ ખાવાથી પણ ફાયદો મળશે. તમે દરરોજ રાત્રે સૂતા પહેલાં 1 કાજુ ખાઇ શકો છો.

​ખાટા ફળો

ટામેટાં, પાઇનેપલ અને ઓરેન્જ ઉપરાંત રાસબરી, બ્લૂ બેરી જેવા ખાટા ફળોમાં વિટામિન સી હોય છે, જે કોલેજન પ્રોડક્શન માટે ખૂબ જ જરૂરી હોય છે. ટામેટાંને તમે સલાડમાં લઇ શકો છો. આ સિવાય તમે લંચ પહેલાં કે પછી એક-એક પાઇનેપલ કે ઓરેન્જ પણ ખાઇ શકો છો.

નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો પર્યાય હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.

કરચલીઓ, ડ્રાયનેસ દૂર કરવા મોંઘીદાટ ક્રિમ્સ નહીં માત્ર અડધી મિનિટ કરો આ આયુર્વેદિક પ્રયોગ; ત્વચા બનશે ગ્લોઇંગ



Source link