એક્ટ્રેસ સોનમ કપૂરના સસરા સાથે 27 કરોડની ઠગાઈ , ચાર રાજ્યોમાંથી 9 શખસોની ધરપકડ

ફરીદાબાદ: બોલીવુડ એક્ટ્રેસ સોનમ કપૂરના સસરા હરીશ આહુજાની કંપની સાથે 27 કરોડ રૂપિયાથી વધુના સાયબર ફ્રોડનો મામલો સામે આવ્યો છે. ઠગોએ રિબેટ ઓફ સ્ટેટ એન્ડ સેન્ટ્રલ ટેક્સીસ એન્ડ લેવીજ (ROSCTL) લાઈસન્સ દ્વારા આ ઠગાઈને અંજામ આપ્યો. ફરીદાબાદ પોલીસે આ મામલે દિલ્હી, મુંબઈ, ચેન્નઈ અને કર્ણાટકથી 9 લોકોની ધરપકડ કરી છે. એક પોલીસ અધિકારીએ શુક્રવારે આ જાણકારી આપી. ડીસીપી (હેડક્વાર્ટર) નીતિશ અગ્રવાલે જણાવ્યું કે, ફરીદાબાદ પોલીસને 26 જુલાઈ, 2021એ સેક્ટર-28માં આવેલી આ શાહી એક્સપોર્ટ કંપની સાથે આરઓએસસીટીએલ લાઈસન્સ દ્વારા ઠગાઈની ફરિયાદ મળી હતી. તેમણે જણાવ્યું કે, આ સંબંધમાં સેક્ટર-31 પોલીસ સ્ટેશનમાં ફરિયાદ નોંધી પોલીસે તપાસ શરૂ હતી.

અગ્રવાલે જણાવ્યું કે, પોલીસે આ કેસ ઉકેલતા દિલ્હી, મુંબઈ, ચેન્નઈ અને કર્ણાટકથી નવ લોકોની ધરપકડ કરી છે. પકડાયેલા શખ્સોમાં દિલ્હીના મનોજ રાણા, મનીષ કુમાર, પ્રવીણ કુમાર અને મનીષ કુમાર મોગા, રાયચૂર (કર્ણાટક)ના ગણેશ પરસુરામ, મહારાષ્ટ્રના ભૂષણ કિશન ઠાકુર (મુંબઈનો રહેવાસી), રાહુલ રઘુનાથ (રાયગઢનો રહેવાસી), સંતોષ સીતારામ (પુનેનો રહેવાસી) સામેલ છે. તેમણે જણાવ્યું કે, તે ઉપરાંત ચેન્નઈના રહેવાસી સુરેશ કુમાર જૈન અને ન્યૂ રાજેન્દ્ર નગર, દિલ્હીના રહેવાસી લલિત કુમાર જૈનની પણ ધરપકડ કરવામાં આવી છે.

તેમણે જણાવ્યું કે, ભારત સરકાર દ્વારા નિકાસને પ્રોત્સાહન આપવા માટે કંપનીઓને વિશેષ છૂટ આપી છે. તેને આરઓએસસીટીએલ લાઈસન્સ કહેવાય છે. લાખો રૂપિયાના મૂલ્યના તે એક પ્રકારના ઓનલાઈન ડિસ્કાઉન્ટ કૂપન હોય છે. આરઓએસસીટીએલ લાઈસન્સ ડિજિટલ સિગ્નેચર સર્ટિફિકેટ (ડીએસસી)થી ઉપયોગ કરી શકાય છે કે કોઈ અન્યને વેચી પણ શકાય છે.

અગ્રવાલના કહેવા મુજબ, મનોજ રાણા, મનીષ કુમાર, પ્રવીણ કુમાર અને મનીષ કુમાર મોગા વિદેશ વ્યાપાર ડિરેક્ટોરેટ જનરલ ઓફ ફોરેન ડ્રેટમાં ક્લર્ક તરીકે કામ કરી ચૂક્યા છે. તેઓ તેની કાર્ય પદ્ધતિથી સારી રીતે વાકેફ છે. આ લોકો પહેલા મોટી-મોટી કંપનીઓના ઈમ્પોર્ટ એક્સપોર્ટ કોડને મેળવી તેનો રેકોર્ડ ચેક કરતા હતા અને એ જાણી લેતા હતા કે, કંપનીના ખાતામાં કુલ કેટલી રકમના આરઓએસસીટીએલ લાઈસન્સ છે. તે પછી એ કંપનીના ડાયરેક્ટરના નામે નકલી દસ્તાવેજ તૈયાર કરતા હતા. આ નકલી દસ્તાવેજથી બનાવટી વ્યક્તિનો વિડીયો શૂટ કરાવી બનાવટી ડીસીએલ જારી કરાવી લેતા હતા. અસલી કંપનીની જાણ બહાર તેના આરઓએસસીટીએલ લાઈસન્સને છેતરપિંડીથી પોતાની નકલી કંપનીમાં ટ્રાન્સફર કરી લેતા હતા.

આ ગેંગમાં સામેલ ભૂષણ અને રાહુલ કોઈપણ વ્યક્તિના નામ પર એક નકલી કંપની રજિસ્ટર કરાવી દેતા હતા. તેમણે પોતાના સાથી ગણેશ કે જે એક રિક્ષા ડ્રાઈવર છે, તેના નામ પર બ્લેક કર્વ કોર્પોરેશન નામથી એક નકલી કંપની બનાવી. મનીષ મોગાએ એક વિડીયો બનાવી પોતાને શાહી કંપનીના ડિરેક્ટર હરીશ આહુજા તરીકે રજૂ કર્યો અને તેમની એક નકલી ડીએસસી આઈડી બનાવી લીધું. આ આઈડીથી શાહી એક્સપોર્ટ કંપનીના 27.16 કરોડ રૂપિયાના મૂલ્યના 154 આરઓએસસીટીએલ લાઈસન્સને બ્લેક કર્વ કોર્પોરેશનના નામે ટ્રાન્સફર કરી લીધા હતા.

આ કેસના તપાસ અધિકારી ઈન્સ્પેક્ટર બસંત કુમારે જણાવ્યું કે, ધરપકડ કરાયેલા શખસો પાસેથી બે લેપટોપ, એક કોમ્પ્યુટર, છ મોબાઈલ તેમજ 20 હજાર રૂપિયા જપ્ત કરાયા છે. તેમના દ્વારા ટ્રાન્સફર કરાયેલા 27.16 કરોડના લાઈસન્સને ફ્રીઝ કરાવી દેવાયા હતા અને શાહી એક્સપોર્ટ કંપનીને પાછા મળી ગયા છે. ઉલ્લેખનીય છે કે, અભિનેત્રી સોનમ કપૂરના લગ્ન 8 એપ્રિલ, 2018એ તેના બોયફ્રેન્ડ આનંદ આહુજા સાથે થયા હતા.

Source link