ઉપવાસ સમયે ધ્યાનમાં રાખો આ બાબત, જેથી ન વધે વજન!

 

ભારત વિવિધતામાં એકતા ધરાવતો દેશ છે. અહીં સાંસ્કૃતિક વાતાવરણથી સામાજીક વાતાવરણ પણ એકબીજા ધર્મોનો પર્યાય બને છે. આવું જ તહેવારોનું પણ છે. નવરાત્રિ હોય કે પછી હોય દુર્ગા પૂજાનું મહત્વ. શિવરાત્રિ હોય કે પછી હોય કરવાચૌથ ઉપરાંતના અનેક તહેવારો. ઉપવાસ વગર આ બધા તહેવારો અધૂરા હોય તેવું લાગે છે. આ દરેક તહેવારમાં ઉપવાસનું પણ ખૂબ જ મહત્વ છે. ઉપવાસમાં પણ વિવિધ વાનગી શોખથી આરોગવી એ પણ અહીંના લોકોની ખાસિયત છે. આ ઉપરાંત કેટલાક લોકો એવું માનીને પણ ઉપવાસ કરતા હોય છે કે તેમનું વજન ઘટી જશે. જે માનવું તદ્દન ભૂલભરેલું સાબિત થઈ શકે છે. ઉલ્ટા ભૂખ્યા રહેવાથી વજનમાં વધારો થતો હોય છે તેવું પણ એક્સપર્ટ કહે છે.

​ખાંડનો ઉપયોગ ઓછો કરો

જ્યારે પણ તમે વજન ઘટાડવા ઈચ્છો છો તો હિતાવહ છે કે તમારા ભોજનમાંથી ખાંડનું પ્રમાણ સાવ ઓછું જ કરી નાખવું. ખાંડનું પ્રમાણ ઓછું કરવાથી કેલોરી પણ ઘટી જશે પરંતુ લોકો એવું કરે છે કે ખાંડને ભોજનમાંથી બાદ કરી દે છે અને પછી સુગર ફ્રી વસ્તુઓ પર ધ્યાન આપવા લાગે છે. આ સુગર ફ્રીમાં પણ કેટલાક આર્ટિફિશ્યિલ તત્વો રહેલા હોય છે જે ખાંડની ગેરહાજરીને રિપ્લેસ કરે છે. જેમ કે સેકરીન. આવી વસ્તુઓમાં પણ છૂપી રીતે તો ખાંડ આવેલી જ હોય છે. જો તમે વધારે પડતી ખાંડનો ભોજનમાં સમાવેશ કરતો તો ચોક્કસ તમારુ વજન વધતું જ રહેશે. આ ઉપરાંત આવી વસ્તુઓમાં ફલેવર પણ ઉમેરવામાં આવે છે. જે સ્વાસ્થ્ય માટે હાનિકારક હોય છે.

​શું ખાવું જોઈએ?

ખાંડની જગ્યાએ આર્ટિફિશ્યિલ સ્વીટનરનો ઉપયોગ કરવાના બદલે તમારે અન્ય રીતે સ્વાસ્થ્યને લાભ આપતા ઉત્પાદનોનો ઉપયોગ કરવો જોઈએ. જેમ કે, ગોળ. ગોળ સ્વાસ્થ્યને નુકસાનકર્તા નથી અને તે ખાંડનો ઉત્તમ વિકલ્પ સાબિત થતો રહે છે. જોકે, શરીરમાં ખાંડનું પ્રમાણ પણ જોઈતું હોય છે. જેથી તમારે એ નિશ્ચિત કરવું પડશે કે શારીરિક રીતે પણ તમારા શરીરમાં ખાંડનું પ્રમાણ જળવાઈ રહે. આ રીતે તમારે કેલોરીનું ધ્યાન રાખતા ખાંડનો ઉપયોગ કરવો હિતાવહ છે.

​ચરબીયુક્ત પદાર્થ મૂકી દો

જે લોકો ઉપવાસ કરતા હોય છે તેના માટે પહેલી પસંદગી હોય છે બટેટાં. બટેટાંની સૂકીભાજી, બટેટાંની વેફર, બટેટાની ચિપ્સ, બટેટાંની ખિચડી…. આ લિસ્ટ તો લાંબું થઈ જાય તેવું છે. ઉપવાસમાં બટેટાંની અવનવી વાનગીઓ આરોગવામાં સ્વાસ્થ્યનું ભાન રહેતું નથી. બટેટામાં સ્ટાર્ચ, સુગર અને સોડિયમ હોય છે. જે વજન વધારવામાં કારણભૂત બને છે. જો ડાયેટમાંથી ફેટને બાદ કરવામાં આવે તો શરીરને નુકસાન જ પહોંચવાનું છે અને શરીરને અલગ અલગ વિટામીન જેવા કે, A, D, E અને K મળશે નહીં. જેથી ઓછા પ્રમાણમાં બટેટાં આરોગવાનો નિર્ણય જ હિતાવહ છે.

​કઈ રીતે કરશો મેનેજ?

ઉપવાસ સમયે ભારે માત્રામાં ફરાળ આરોગવાથી પણ વજન વધે છે. જોકે, શરીરમાં પૂરતા પ્રમાણમાં ફેટ હોવું પણ અનિવાર્ય છે. કારણકે શક્તિનો ઉપયોગ જે કામમાં થાય છે તે કામમાં ફેટનો ઉપયોગ તો થવાનો જ છે. અખરોટ, અળસી, કુસુમના બીજ વગેરે જેવા સ્વસ્થ વિકલ્પોનો સમાવેશ પણ તમે ફરાળમાં કરી શકો છો. જે શરીરમાં સંતુલન જાળવી રાખવામાં ખૂબ જ મદદગાર સાબિત થઈ શકે છે. આ દરેક વસ્તુઓ વજન નહીં વધવા દે અને શરીરની મહત્વપૂર્ણ પ્રક્રિયાઓમાં પણ મદદ કરશે.

Source link