ગ્રે માર્કેટ પ્રીમિયમ
ઉદયશિવકુમાર ઈન્ફ્રાના શેર્સ ગ્રે માર્કેટમાં શેર દીઠ રૂ. 10નું પ્રીમિયમ ધરાવે છે. આ ઈસ્યુ સોમવારે રોકાણ માટે ખુલશે અને બુધવાર સુધી સબસ્ક્રાઈબ કરી શકાશે. કંપનીએ આ ઈસ્યુ માટે રૂ. 33 થી રૂ. 35ની પ્રાઇસ બેન્ડ નક્કી કરી છે. IPO દ્વારા એકત્ર કરાયેલા રૂ. 66 કરોડનો ઉપયોગ મૂડી ખર્ચ માટે કરવામાં આવશે.
ઉદયશિવકુમારના IPOમાં લોટ સાઈઝ 428 શેર હશે. એટલે કે રોકાણકારે 428 શેરના ગુણાંકમાં અરજી કરવી પડશે. શેરની ફાળવણી 28 માર્ચ 2023ના રોજ થવાની સંભાવના છે. આ IPO માટે MAS સર્વિસિસ લિમિટેડની સત્તાવાર રજિસ્ટ્રાર તરીકે નિમણૂક કરવામાં આવી છે.
ઉદયશિવકુમાર ઈન્ફ્રા આઈપીઓમાં લગભગ 60 ટકા શેર રિટેલ રોકાણકારો માટે અનામત રાખવામાં આવ્યા છે. જ્યારે 30 ટકા શેર બિન-સંસ્થાકીય રોકાણકારો માટે અનામત રાખવામાં આવ્યા છે. દરમિયાન, 10 ટકા ઇશ્યૂ QIB માટે રાખવામાં આવશે. સબસ્ક્રિપ્શન પહેલાં ગ્રે માર્કેટમાં રૂ. 10નું પ્રીમિયમ ચાલે છે. કંપનીએ કહ્યું કે આ IPOમાંથી એકત્ર કરાયેલી મૂડીનો ઉપયોગ વર્કિંગ કેપિટલની વધારાની જરૂરિયાતને પહોંચી વળવા અને સામાન્ય કોર્પોરેટ હેતુઓ માટે કરવામાં આવશે.
બજારમાં અનિશ્ચિત સેન્ટિમેન્ટ
ઉદયશિવકુમાર ઈન્ફ્રા તેનો IPO એવા સમયે લાવી રહી છે જ્યારે બજારનું સેન્ટિમેન્ટ પ્રતિકૂળ છે અને તેનું લિસ્ટિંગ કંપનીને પ્રતિકૂળ અસર કરી શકે છે. જિયોજિત ફાઇનાન્શિયલ સર્વિસિસના વીકે વિજયકુમારે જણાવ્યું હતું કે નિફ્ટી તેની ટોચ પરથી 10 ટકા ઘટ્યો છે અને અન્ય બજારોની સરખામણીમાં નીચો પરફોર્મ કરી રહ્યો છે. IPO લાવવા માટે આ સારો સમય નથી. પરંતુ રોકાણકારો આકર્ષક વેલ્યુએશનને કારણે તેમાં રોકાણ કરી શકે છે. કંપની પાસે 46 કામ હાથમાં છે અને કુલ ઓર્ડર બુકનું કદ 1291 કરોડ છે. તેમાંથી 30 ઓર્ડર ચાલુ છે અને 16 ઓર્ડર નવા છે. કંપનીએ નાણાકીય વર્ષ 2022માં રૂ. 185 કરોડની આવક નોંધાવી હતી જ્યારે તેનો ચોખ્ખો નફો રૂ. 12 કરોડ હતો.
