ઇન્ફેક્શન કે ગંભીર બીમારીથી બચવા દરેક પુરૂષોએ અજમાવવી જોઇએ આ ટિપ્સ

International Men’s Day 2022: પુરૂષો માટે હાઇજિન અને ખાસ કરીને ઇન્ટિમેટ હાઇજિનની ચર્ચા નહીવત જોવા મળે છે. માત્ર સ્ત્રીઓમાં જ બેક્ટેરિયા અને ઇન્ટિમેટ પાર્ટ્સ પર ઇન્ફેક્શનની સમસ્યા રહે છે તેવું નથી. પુરૂષોમાં પણ આ તકલીફ જોવા મળે છે. એક જર્નલમાં પ્રકાશિત માહિતી અનુસાર, મોટાંભાગે જ્યારે પુરૂષોના હાઇજિનની વાત આવે છે ત્યારે સ્ત્રીઓની સરખામણીએ તે સરળ હોવાનું માની લેવામાં આવે છે. જો કે, ફ્લોરિડાના કન્સલ્ટન્ટ ગેબ્રિલા કોરા (એમડી, સાઇકિયાટ્રિસ્ટ અને લીડરશિપ કન્સલ્ટન્ટ) (Gabriela Cora, MD)ના જણાવ્યા અનુસાર, ઘણાં ઓછા પુરૂષોને બેઝિક હાઇજિનના નિયમો અંગેની જાણકારી છે. ડૉ. કોરાએ જણાવ્યું કે, હાઇજિન પુરૂષોના સ્વાસ્થ્ય માટે જ નહીં પણ પર્સનાલિટી માટે પણ એટલું જ જરૂરી છે.

બ્રેવના કો-ફાઉન્ડર અને સીઓઓ સાહિલ નાયરે કોસ્મેટિક ડિઝાઇન-એશિયાને આપેલા એક ઇન્ટરવ્યુમાં જણાવ્યું હતું કે, મેલ ઇન્ટિમેટ હાઇજિનની દેખીતી રીતે જ અવગણના કરવામાં છે. આજે સોશિયલ મીડિયા, ઇન્ટરનેટ પરથી મળતી વિગતોના આધારે પુરૂષો પણ પોતાના પર્સનલ કૅર અને હાઇજિન પ્રત્યે જાગૃત થઇ રહ્યા છે. માર્કેટમાં પર્સનલ હાઇજિનને લગતાં અનેક પ્રોડક્ટ્સ હોવાથી મેલ પ્રોડક્ટ્સનું અલગ માર્કેટ ઉભું થઇ રહ્યું છે.

અહીં કેટલીક ગાઇડલાઇન્સ આપવામાં આવી છે જેના આધારે તમે ઇન્ટિમેટ એરિયાને ક્લિન અને ઇન્ફેક્શન ફ્રી બનાવી શકો છો.

(તસવીરોઃ પિક્સાબે.કોમ, ફ્રિપિક.કોમ)

​વૉશ એન્ડ ગ્રૂમ

વ્યક્તિએ દરરોજ સ્નાન કરવું જોઇએ તે તો જાણે ટાળી ના શકાય તેવી બાબત છે, પણ ઇન્ટિમેટ પાર્ટ પર ઇન્ફેક્શન કે ફંગસ થતાં અટકાવવા તમારે રેગ્યુલર બાથ ઉપરાંત દિવસમાં વૉશરૂમ ગયા બાદ અથવા પાર્ટનર સાથે ઇન્ટિમેટ થયા બાદ પ્રાઇવેટ પાર્ટને યોગ્ય રીતે સાફ કરવાનો આગ્રહ રાખો. પ્યૂબિક હેર ઇન્ટિમેટ એરિયાની અત્યંત નાજૂક સ્કિન માટે સારાં ગણાય છે, તેમ છતાં તેના કારણે પરસેવો અને ઇચિંગની સમસ્યા પણ થાય છે. તેથી રેગ્યુલર ટ્રિમિંગ, ક્લિનિંગ અને મોઇશ્ચરાઇઝિંગ કરવાનું ના ભૂલો.

​યોગ્ય ફિટિંગવાળા અંડરક્લોથ

એવા અંડરક્લોથ પહેરો જે અત્યંત ટાઇટ કે લૂઝના હોય. કોટન અથવા કોટન બ્લેન્ડ્સના પ્રોડક્ટ્સ સારો ઓપ્શન રહેશે. કારણ કે તેનાથી ઇન્ટિમેટ એરિયામાં થતા પરસેવાને શોષી લે છે. બેસ્ટ સેલિંગ ઓથર અને રિલેશનશિપ એક્સપર્ટ ચાર્લ્સ જે. ઓર્લેન્ડોના જણાવ્યા અનુસાર, ઘણી વાર પુરૂષો અંડરવિઅરને ચેન્જ કરવાની સલાહ પર વિચિત્ર રિએક્શન આપતા હોય છે. પણ હકીકતમાં તમારે અંડરવિઅરને દિવસ દરમિયાન ખાસ કરીને વર્કઆઉટ બાદ અને કામ પરથી ઘરે આવ્યા બાદ ચેન્જ કરવા ખૂબ જ જરૂરી છે.

​હેલ્ધી ફૂડ

ડાયેટ ખૂબ જ મહત્વનો ભાગ છે. તમે એવા ફૂડ અને ફ્રૂટ્સને તમારાં ડાયેટમાં સામેલ કરો જેનાથી તમને ઓછો પરસેવો થાય અને ઇન્ટિમેટ એરિયા માટે હેલ્ધી હોય. ખાટાં ફળો, પાંદડાવાળા ગ્રીન વેજીટેબલ્સ વગેરે શરીરમાં યોગ્ય ન્યૂટ્રિશન્સની ઉણપને પુરી પાડશે. આ સિવાય તમારાં ઇન્ટિમેટ એરિયા પર પરસેવાની સ્મેલ પણ દૂર કરવામાં મદદ કરશે.

​રેગ્યુલર ચેક

ઇન્ટિમેટ એરિયા પર કોઇ પણ પ્રકારના ઇન્ફેક્શન કે ફંગસથી બચવાનો એક ઉપાય છે કે તમે રેગ્યુલર ચેક કરતાં રહો. આ ભાગમાં જો લાલાશ, ચાંદા કે ફોલ્લા જેવું લાગે તો તાત્કાલિક તમારાં ડોક્ટરનો સંપર્ક કરો. કારણ કે આ પ્રકારના સ્કિન ઇરિટેશન બાદમાં ગંભીર બીમારીઓનું સ્વરૂપ પણ ધારણ કરી શકે છે. જો કે, દરેક વખતે લાલાશ કે ચાંદા પાછળનું કારણ ગંભીર બીમારી જ હોય તેવું જરૂરી નથી. તેમ છતાં આવા કોઇ પણ પ્રકારના ફેરફાર દેખાય તો મેડિકલ હેલ્પ લો.

​પ્રોડક્ટ્સનો યૂઝ

તમારાં ઇન્ટિમેટ એરિયા પર યોગ્ય ચકાસણી વગર કોઇ પણ પ્રોડક્ટ્સ અપ્લાય ના કરો. સાબુ, શેમ્પુ અથવા સેન્ટેડ પ્રોડક્ટ્સ તમારાં pH બેલેન્સને બગાડી શકે છે. ઉનાળામાં વધારે પરસેવો આવતો હોય તો તમે આલ્કોહોલ અને કેમિકલ્સ રહિતના પ્રોડક્ટ્સનો ઉપયોગ કરી શકો છો. આનાથી તમારી સેન્સિટિવ સ્કિનને નુકસાન નહીં થાય.

​તમારાં ડોક્ટરના સંપર્કમાં રહો

રૂટિન ફિઝિકલ એક્ઝામ દરેક વયના વ્યક્તિ માટે જરૂરી છે, પછી તે સ્ત્રી હોય કે પુરૂષ. ઇન્ટિમેટ હાઇજિન માટે જરૂરી છે કે તમે તમારાં ડોક્ટરના સંપર્કમાં રહો અને વર્ષમાં એક વાર રેગ્યુલર ચેકઅપનો આગ્રહ રાખો. આ બેઝિક ટિપ્સ તમને ઇન્ફેક્શનથી તો બચાવશે જ સાથે જ જાહેર સ્થળોએ ઇચિંગ કરવાની તમારી આદત પણ દૂર કરશે. હેલ્ધી લાઇફસ્ટાઇલની સાથે હેલ્ધી આદતો તમારી પર્સનાલિટીમાં ચાર ચાંદ લગાવશે.

નોંધઃ આ લેખ સામાન્ય માહિતી માટે છે, તેના રહેલા એક્સપર્ટના મત તેઓએ ઓનલાઇન કે ડેબિટ દરમિયાન આપેલા ઇન્ટરવ્યુના આધારે પ્રકાશિત કરવામાં આવ્યા છે. વધુ માહિતી માટે તમારાં ડોક્ટરનો સંપર્ક કરો.

પુરૂષોના યૌન સ્વાસ્થ્યને લઇ ચોંકાવનારો ખુલાસો, 4 લક્ષણોથી ઓળખો લૉ-સ્પર્મ કાઉન્ટના કારણો અને બચાવની રીત

Source link