આ 5 ફળ વધારી શકે છે તમારી સુંદરતા, અનેક સમસ્યાનો છે દેશી ઈલાજ!

 

રોજ ફળ ખાવા એ સ્વાસ્થ્ય માટે ખૂબ જ લાભદાયી માનવામાં આવે છે. આ સાથે જ તે વાળ અને ત્વચા માટે પણ ઉત્તમ અને લાભદાયી માનવામાં આવે છે. ફળનું જ્યૂસ પીવામાં આવે તો સ્વાસ્થ્ય માટે તો લાભદાયી રહે જ છે ઉપરાંત તે ત્વચા માટે પણ લાભદાયી માનવામાં આવે છે. ફળને વાળ તેમજ ત્વચા માટે પણ ઉત્તમ માનવામાં આવે છે. ફળના જ્યૂસને ચહેરા પર લગાવવામાં આવે તો સારુ પરિણામ મળી શકે છે. મહિલાઓ બ્યૂટી રુટિનમાં પણ જ્યૂસનો સમાવેશ કરે છે. જેથી વધતી ઉંમરમાં કરચલીની સમસ્યામાંથી પણ મુક્તિ મળી શકે છે. જો તમે જ્યૂસનો ઉપયોગ ત્વચા માટે નથી કર્યો તો ટ્રાય કરી શકો છો.

વધતી ઉંમરમાં અનેક સમસ્યાઓ થઈ શકે છે. એક પછી એક ચામડીની સમસ્યા થાય છે તો ત્વચા આળી થઈ જવી તેમજ કરચલીની સમસ્યા પણ સતાવવા લાગે છે. ચહેરા પરથી ચમક ગાયબ થઈ જાય છે. આ સમયમાં ત્વચા માટે કેટલીક કાળજી રાખવી ખાસ જરુરી હોય છે. આ સમયમાં ફળના જ્યૂસનો ઉપયોગ ઉત્તમ સાબિત થઈ શકે છે. ચહેરા પરના ડાઘાઓ, કરચલીઓ, ખીલની સમસ્યાઓના ઉપાય માટે જ્યૂસ લાભદાયી છે. થોડા દિવસ નિયમિત રીતે જ્યૂસનો ઉપયોગ કરવાથી તમને પરિણામ મળી શકે છે. ફળના જ્યૂસના તત્વો ચામડીને અંદરથી હેલ્ધી બનાવે છે. જેથી ત્વચા વધુ નિખરી શકે છે.

​ગાજરનો જ્યૂસ

રેડિયન્ટ ગ્લો માટે અનેક મહિલાઓ ગાજર ખાવાનું પસંદ કરે છે. જે ત્વચાને નિખારવાની સાથે જ અન્ય સમસ્યાઓ પણ દૂર કરે છે. ફેસ પેકમાં ગાજરનું જ્યૂસ મિક્સ કરવા ઉપરાંત ડિરેક્ટ ચહેરા પર પણ તમે લગાવી શકો છો. તેના માટે ગાજરના જ્યૂસની 2થી 3 ચમચી લો અને કોટનની મદદથી ચહેરા પર લગાવો. 10 મિનિટ પછી સાદા પાણી વડે ધોઈ નાખો.

​સંતરાનો રસ

ખીલ અથવા તો ચહેરાના ડાઘાની સમસ્યા અવારનવાર રહેતી હોય તો સંતરાનો રસ ખૂબ જ ફાયદાકારક માનવામાં આવે છે. ચહેરામાં રહેલ તેલ એટલે કે ચીકાશને બહાર લાવવામાં સંતરુ ખૂબ જ ફાયદાકારક સાબિત થાય છે. એક બાઉલમાં કોર્નસ્ટાર્ચ લો અને તેમાં સંતરાનો રસ નાખીને પેસ્ટ બનાવી લો. હવે તેમાં અડધી ચમચી મધ મિક્સ કરો. હવે ચહેરા પર લગાવો અને તેને 15 મિનિટ સુધી રાખી મૂકો. 15 મિનિટ પછી ચહેરાને હૂંફાળા પાણી વડે ધોઈ નાખો.

​સ્ટ્રોબેરીનું જ્યૂસ

ટેનિંગની સમસ્યાને દૂર કરવા માટે સ્ટ્રોબેરી ખૂબ જ લાભદાયી છે. સ્ટ્રોબેરીનો રસ તેમજ ચણાનો લોટ મિક્સ કરીને પેસ્ટ બનાવો અને ચહેરા પર રાખી મૂકો. આ પેસ્ટને 15 મિનિટ સુધી ચહેરા પર રાખીને પછી તેને ધોઈ નાખો. જો ટેનિંગની સમસ્યા વધારે રહેતી હોય તો તેમાં હળદર અને દહીં પણ મિક્સ કરી શકો છો.

​આમળાનું જ્યૂસ

ચામડી અને વાળને સ્વસ્થ રાખવા માટે આમળાનો ઉપયોગ પણ અનેક રીતે કરવામાં આવે છે. જેમાં રહેલા એન્ટીઓક્સિડન્ટ અને વિટામિન સીના ગુણ એજિંગ અને અન્ય સ્કિનની સમસ્યાઓને સરખી કરવામાં મદદ કરે છે. આ ઉપરાંત એલોવેરા જેલને મિક્સ કરીને મિશ્રણ તૈયાર કરી લો. હવે આ મિશ્રણમાં સૂકું માસ્કને રાખી મૂકો અને પછી ચહેરા પર લગાવો. 15 મિનિટ સુધી રાખ્યા પછી તેને ધોઈ નાખો. હવે ચહેરો સૂકો લાગે તો સાદા પાણીથી ચહેરાને ધોઈ નાખો.

​દાડમનું જ્યૂસ

વિટામિન સી અને વિટામિન કેથી ભરપૂર દાડમ ચામડીની કોશિકાઓને રિપેર કરવામાં મદદ કરે છે. આ સાથે જ તે વધતી ઉંમરને લીધે થતી એજિંગની સમસ્યાને પણ રોકવામાં પણ મદદ કરે છે. જોકે, દાડમના ઉપયોગ પહેલા પોતાની સ્કિન અનુરુપ છે કે નહીં તે પણ ચોક્કસ જોવું. પછી રસોડામાં રહેલા હળદર જેવા કોઈપણ ઘટકોની મદદથી જ્યૂસમાં મિક્સ કરીને ફેસપેક મિશ્રણ તૈયાર કરો. ફેસપેક તૈયાર કરીને ઓઈલી સ્કિન હોય તો મુલતાની માટી સાથે મિક્સ કરો. જ્યારે ડ્રાય સ્કિન હોય તો ઓટ્સનો પણ ઉપયોગ કરી શકો છો.

Disclaimer: આ આર્ટિકલમાં આપવામાં આવેલી માહિતીનો અમલ કરતા પહેલા આપના ડૉક્ટરની સલાહ ચોક્કસ લેશો. આ લેખ માત્ર સામાન્ય જાણકારી માટે છે. વધુ જાણકારી માટે ડૉક્ટરનો સંપર્ક કરો.

Source link