આ શાકભાજીનો જ્યૂસ પીવાથી સફેદ વાળની સમસ્યા થશે દૂર; હૃદય બનશે મજબૂત, BP રહેશે કંટ્રોલમાં

Lauki or Dudhi Juice Benefits: ગ્રીન વેજીટેબલ્સના શું ફાયદાઓ હોય છે તેના વિશે લાંબા લેખની જરૂર નથી. આમાંથી જ એક શાકભાજી છે દૂધી (lauki or kaddu), જેના અસંખ્ય ફાયદાઓ હોય છે. તે શરીરને ઠંડુ રાખવામાં મદદ કરે છે ઉપરાંત હૃદયને પણ સ્વસ્થ રાખે છે, અપુરતી ઉંઘની સમસ્યા પણ દૂર કરે છે.

દૂધી અલગ અલગ શેપમાં મળતી હોય છે, તેના કેટલાંક સ્વાસ્થ્ય પાયદાઓ પણ હોય છે જે જાણ્યા બાદ તમે લગભગ દરરોજ તેનો ઉપયોગ કરશો. શિયાળામાં સરળતાથી મળતી દૂધી બ્લડપ્રેશરને પણ નિયંત્રિત રાખે છે. આ સિવાય અકાળે સફેદ થતાં વાળ, કરચલીઓ પણ દૂર કરે છે. અહીં આયુર્વેદિક ડોક્ટર દિક્ષા ભાવસાર (Dr Dixa Bhavsar, Ayurveda doctor) દૂધીના કેટલાંક ફાયદાઓ વિશે વાત કરી રહ્યા છે. આ સિવાય તેઓએ દૂધીના જ્યૂસની રેસિપી જણાવી છે જેના નિયમિત સેવનથી તમે સ્વસ્થ રહી શકો છો.

(તસવીરોઃ પિક્સાબે.કોમ, ફ્રિપિક.કોમ)

​સૌંદર્યને લગતી સમસ્યા થશે દૂર

આજના સમયમાં અકાળે સફેદ થતાં વાળ, ઉંમર પહેલાં જ ટાલ પડી જવી, ઉપરાંત એજિંગ સાઇન્સની સમસ્યા લગભગ દરેક વ્યક્તિને પરેશાન કરે છે. દૂધીના જ્યૂસને તમે સ્કાલ્પમાં અપ્લાય કરશો તો તેનાથી સફેદ વાળ, ટાલની સમસ્યા દૂર થશે. આ સિવાય તેને ચહેરા પર લગાવવાથી કરચલીઓ દૂર થઇ જાય છે.

​શરીરના દોષ કરશે દૂર

દૂધી એક કાર્ડિયો-ટોનિક છે અને તેમાં મૂત્રવર્ધક પદાર્થ ભરપૂર માત્રામાં રહેલું હોય છે. દૂધીની તાસિર ઠંડી હોય છે, જેના કારણે તેનો ઉપયોગ દુઃખાવો, માસપેશીઓમાં દર્દ, અલ્સર, તાવ અને શ્વસનને લગતી સમસ્યા દૂર કરવામાં કરી શકાય છે. દૂધીનો રસ શરીરમાં વાત અને પિત્તને બેલેન્સમાં રાખે છે.

ડોક્ટર પાસેથી જાણો દૂધીના જ્યૂસના ફાયદાઓ

​આ રીતે બનાવો દૂધનો રસ

  • બે મીડિયમ સાઇઝ દૂધીને છોલી, છીણી લો
  • 1 ચમચી જીરૂ નાખો
  • 15થી 20 ફુદીનાના પાન નાખો
  • 2થી 3 ચમચી લીંબુનો રસ
  • આ જ્યૂસમાં તમે સ્વાદ માટે થોડું મીઠું નાખી શકો છો
  • જો તમને બ્લડપ્રેશર કે હૃદયની બીમારી હોય તો મીઠાનો ઉપયોગ ટાળો
  • એક બ્લેન્ડરમાં દૂધી, ફુદીનાના પાન, જીરુ વગેરે મિક્સ કરીને ક્રશ કરી લો
  • આ સાથે એક કપ પાણી નાખીને ફરીથી 3થી 4 મિનિટ સુધી બ્લેન્ડ કરો
  • છેલ્લે લીંબુનો રસ, મીઠું નાખીને પી જાવ

​શિયાળામાં રાખો આ ધ્યાન

હાલમાં શિયાળાની ઋતુ ચાલી રહી છે અને દૂધીની તાસિર ઠંડી હોવાના કારણે ડોક્ટર તેને બ્લેન્ડ કરતાં અગાઉ સ્હેજ બાફવાની સલાહ આપે છે જેથી તે પાચનમાં સરળ રહે. જો તમને અપચો કે ડાયજેશનની તકલીફ હશે તો કાચી દૂધીનો રસ તમારી મુશ્કેલીમાં વધારો કરશે. તેથી જ તેને અગાઉ બાફી લો અને અગાઉ જણાવેલી સામગ્રી સાથે મિક્સ કરીને જ્યૂસ તૈયાર કરો. આ જ્યૂસને તમે વહેલી સવારે ખાલી પેટ પી શકો છો.

નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો પર્યાય હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.



Source link