આ છ ટેવથી તમે અનુભવશો થાક, મેટાબોલિઝમને પણ પહોંચશે નુકસાન!

 

કસરત કરવી સ્વાસ્થ્ય માટે ખૂબ જ ફાયદાકારક છે. શરીરમાં મેટાબોલિઝમ સારી રીતે કામ કરતું હોવું ખૂબ જ જરુરી છે. કસરત કરવાના કારણે સારી રીતે કેલોરી બર્ન થાય છે. મેટાબોલિઝમ સારી રીતે કામ કરતું હોય તો શરીરમાં અનેક ફાયદા થાય છે. તમે જેટલી કેલોરી બર્ન કરો છો તેની પર તમારુ મેટાબોલિઝમ આધાર રાખે છે. આ ઉપરાંત મેટાબોલિઝમ શરીરમાં બ્લડસુગર, કોલેસ્ટ્રોલ, ટ્રાયગ્લિસરાઈડ તેમજ બ્લડ પ્રેશર લેવલને પણ જાળવી રાખવામાં ખૂબ જ મદદરુપ થાય છે. આપણને ખબર જ છે કે મેટાબોલિઝમ વધારવા માટે અનેક બાબતોનું ધ્યાન રાખવું ખૂબ જ જરુરી છે. જોકે, આપણને ખબર નથી કે કેટલીક ખાસ ટેવો તમારા મેટાબોલિઝમને ઘટાડી પણ શકે છે. અહીં અમે તમને 6 ટેવો જણાવી રહ્યાં છે જેનાથી તમારા મેટાબોલિઝમમાં ઘટાડો થઈ શકે છે.

​થોડું-થોડું જમવું

ઘણાંબધાં લોકોના મનમાં એવો જ ખ્યાલ રહેલો છે કે થોડું થોડું જમવાથી ઓછી કેલોરી પ્રાપ્ત થાય છે અને ઝડપથી વજન ઘટે છે પરંતુ તમને જાણીને એ પણ આશ્ચર્ય થશે કે, દિવસના થોડું થોડું જમવાથી મેટાબોલિઝમ પર પણ ખૂબ જ અસર કરે છે. જોકે, છતાં પણ તમારે કેલોરી ઘટાડવી હોય અને વજન ઘટાડવું હોય તો એમ કરી શકાય છે પરંતુ પછી તમે સાવ ઓછું ભોજન લેવાનું રાખશો તો એ તમારા શરીર પર ઉલટી અસર કરી શકે છે. આ માટે હંમેશા શરીરને પૂરતી કેલોરી મળે તે રીતે ભોજન લેવાનું રાખવું જોઈએ.

​અસ્તવ્યસ્ત લાઈફસ્ટાઈલ

બે વર્ષથી કોરોના મહામારી સમગ્ર વિશ્વને અજગરભરડો લઈ રહી છે. છેલ્લા બે વર્ષથી મોટાભાગના લોકો વર્ક ફ્રોમ હોમ જ કરી રહ્યાં છે. જેના કારણે મેદસ્વીતાનું પ્રમાણ પણ વધ્યું છે. ઘરમાં જ કામ કરવાનું હોવાથી મેટાબોલિઝમમાં અસર પડે છે અને જેટલી કેલોરી બર્ન થવી જોઈએ તે બર્ન થઈ શકતી નથી. જેની અસર શરીર પર જોવા મળે છે. દરેક શારીરિક એક્ટિવીટી જેમ કે ઉભવું, સીડી લેવી, રાંધવું, વગેરે જેવી રોજીંદી ક્રિયાઓમાં પણ કસરત વણાયેલી છે. આ પ્રકારની એક્ટિવિટી Non-exercise activity thermogenesis (NEAT) તરીકે ઓળખાય છે.

​પ્રોટીન ન હોય તેવી વસ્તુઓ લેવી

સારી રીતે વજન ઉતારવું હોય તો પ્રોટીન હોય તેવા જ ખાદ્યપદાર્થો આરોગવા જોઈએ. પ્રોટીન લેવાથી શરીરમાં જે પણ કેલરી બર્ન થાય છે તેની સમતુલા જાળવે છે. જ્યારે પણ ભોજન પચવામાં હોય છે ત્યારે મેટાબોલિઝમ વધે છે. જેને Thermic effect of food (TEF) તરીકે ઓળખવામાં આવે છે. ભોજનમાં પ્રોટીન હોવાથી તમારુ મેટાબોલિઝમ 20-30% જેટલું વધે છે.

​પૂરતી ઊંઘ ન લેવી

સારા સ્વાસ્થ્ય અને સારા શરીર માટે પૂરતી ઊંઘ લેવી હિતાવહ છે. હંમેશા નિયમિત કલાકો પૂરતી ઊંઘ લેવાથી તમે અઢળક બીમારીથી દૂર રહી શકો છો. જેમાં ડાયાબિટીઝ અને ડિપ્રેશનનો પણ સમાવેશ થાય છે. અપૂરથી ઊંઘના કારણે તમારા મેટાબોલિક રેટમાં ફેરફાર થઈ શકે છે અને શરીરને પણ નુકસાન પહોંચી શકે છે. આ ઉપરાંત તમારુ વજન પણ વધી શકે છે. હંમેશા અપૂરતી ઊંઘના કારણે તમારી સ્લીપ સાઈકલને પણ ડિસ્ટર્બ થઈ શકે છે.

​કાર્બોહાઈડ્રેટની માત્રા વધારે હોવી

ભોજનમાં પર્યાપ્ત કાર્બોહાઈડ્રેટ હોવા તે સારી નિશાની છે. ભોજન એવી રીતે હોવું જોઈએ જેમાં અલગ અલગ પ્રકારના કાર્બોહાઈડ્રેટ્સની ભરમાર હોય પરંતુ વધારે પડતા કાર્બોહાઈડ્રેટ્સ તમારા શરીરને નુકસાન પહોંચાડી શકે છે. કાર્બોહાઈડ્રેટ સરળતાથી લોહીમાં ભળી જઈ શકે છે અને એ જ તમારા થાકનું સૌથી મોટું કારણ બને છે. જેના કારણે બને તો ભોજનમાં વધારે માત્રામાં કાર્બોહાઈડ્રેટ યુક્ત ખોરાક લેવાનું ટાળવું જોઈએ. વધારે પડતા કાર્બોહાઈડ્રેટ તમારા મેટાબોલિઝમ રેટને પણ ધીમો પાડે છે. જેથી તમને તરત જ થાક લાગવા લાગે છે.

​ચુસ્ત ડાયેટને અનુસરો

એક સારુ ડાયેટ તમારા શરીરને આકર્ષક બનાવે છે અને વજન ઓછું કરવામાં પણ ખૂબ જ મદદ કરે છે. હંમેશા રુટિન દરમિયાન કસરત કરવાનું તો રાખવું જ જોઈએ અને આ ઉપરાંત ચુસ્તપણે ડાયેટને પણ અનુસરવું જોઈએ.

Disclaimer: આ આર્ટિકલમાં આપવામાં આવેલી માહિતીનો અમલ કરતા પહેલા આપના ડૉક્ટરની સલાહ ચોક્કસ લેશો. આ લેખ માત્ર સામાન્ય જાણકારી માટે છે. વધુ જાણકારી માટે ડૉક્ટરનો સંપર્ક કરો.

Source link