આટલા સમય બાદ કોવિડ વેક્સિન પણ થઇ જાય છે બેઅસર, ડોક્ટરે જણાવ્યો ઇમ્યૂનિટી માટે ઉપાય

Covid Vaccine and Antibodies Decline: કોવિડ-19 (Covid 19) ઇન્ફેક્શન આપણાં જીવનનો હિસ્સો બનતું જાય છે, તેનો અર્થ એ નથી કે આ મહામારીને હળવાશથી લેવામાં આવે. ઓમિક્રોનના વેરિએન્ટ્સ અને સબ-વેરિએન્ટ્સ સમયાંતર વિકરાળ સ્વરૂપ લેતા જાય છે અને તેના જોખમથી કોવિડ વેક્સિનના બંને ડોઝ લીધા બાદ પણ સુરક્ષા નથી મળતી.

હેલ્થ એક્સપર્ટ્સ અનુસાર, જો તમે કોવિડ વેક્સિન (Covid Vaccine)ના બંને ડોઝ લીધા છે, તો પણ કોવિડ ઇન્ફેક્શન થઇ શકે છે. કારણ કે, અમુક સમય બાદ કોરોના સરળતાથી શિકાર બની જવાય છે. કારણ કે, અમુક સમય બાદ વેક્સિનની અસર મંદ પડવા લાગે છે. તેથી જ એક નિશ્ચિત સમય બાદ કોવિડ બૂસ્ટર ડોઝ લગાવવો ખૂબ જ જરૂરી છે. અહીં જાણો, આખરે કેટલાં સમય બાદ બૂસ્ટર ડોઝ (Booster Dose) લગાવી લેવો જોઇએ.

(તસવીરોઃ પિક્સાબે.કોમ, ફ્રિપિક.કોમ)

ભારતમાં જાન્યુઆરીમાં આવશે કોરોનાની ચોથી લહેર, AIIMSના Dr.એ કહ્યું, આગામી 40 દિવસ કરો આ કામ

​કોવિડ બૂસ્ટર ડોઝ છે જરૂરી

TOI રિપોર્ટ અનુસાર, ભારત સરકાર અને તમામ ડોક્ટર્સ વેક્સિનનેશનનો ત્રીજો ડોઝ લેવાની સલાહ આપે છે. કારણ કે, આ બૂસ્ટર ડોઝની મદદથી એન્ટીબોડીઝ વધારી શકાય છે અને તેનાથી ઓમિક્રોન અથવા અન્ય વેરિએન્ટ્સથી ઘણે અંશે બચી શકાય છે.

​આટલા સમય બાદ અસર ઓછી

આ રિપોર્ટમાં ગુરુગ્રામ સ્થિત પારસ હોસ્પિટલના પલ્મોનોલોજી એન્ડ રેસ્પિરેટરી મેડિસિન ડિપાર્ટમેન્ટના એચઓડી, ડોક્ટર અરૂણેશ કુમારે (Dr. Arunesh Kumar, HOD Department of Pulmonology & Respiratory Medicine) જણાવ્યું કે, કોવિડ-19થી બચવા માટે વેક્સિન આપણી અંદર એન્ટીબોડી વિકસિત કરે છે. પરંતુ બીજો અને અંતિમ ડોઝ લગાવ્યાના 3 મહિના બાદ આ એન્ટીબોડી ઘટવા લાગે છે.

​6 મહિના બાદ એન્ટીબોડી મંદ

6-

ડોક્ટર અરુણેશ કુમાર ((Dr. Arunesh Kumar) અનુસાર, ઇમ્યૂનિટી વધારવા માટે બૂસ્ટર ડોઝ એક મહત્વપૂર્ણ રસી છે. કારણ કે, કોવિડ વક્સિનનો બીજો અને અંતિમ ડોઝ લીધાના 6 મહિના બાદ એન્ટીબોડી વધારે ઘટી જાય છે અને ઓમિક્રોન સરળતાથી સંક્રમિત કરી શકે છે.

​40 ટકા દર્દીમાં નથી દેખાતા લક્ષણો

40-

કોવિડ-19થી સંક્રમિત 40 ટકા દર્દીઓમાં લક્ષણો જોવા નથી મળતા. પરંતુ તેનો અર્થ એ નથી કે, તેનાથી આગળ ઇન્ફેક્શન નથી ફેલાતું. સંક્રમણ ફેલાવાના દરને ઘટાડવા માટે માસ્કનો ઉપયોગ ચોક્કસથી કરવો જોઇએ.

​બૂસ્ટર ડોઝ નથી લીધો તો કરો આ કામ

ડોક્ટર અનુસાર, તમારે વહેલી તકે બૂસ્ટર ડોઝ લગાવી લેવો જોઇએ, પરંતુ ત્યાં સુધી ઓમિક્રોનથી બચવા માટે કેટલીક સાવચેતી રાખવી જરૂરી છે.

  • શક્ય હોય તો ઘરમાં સામાન્ય ફ્લૂના દર્દીથી પણ ઉચિત અંતર જાળવો
  • ઘરમાંથી બહાર લોકોને હળતી-મળતી વખતે 6 ફૂટ અંતર જાળવો
  • બીમાર થવા પર તત્કાળ ડોક્ટરને મળો, જાતે જ ઉપચાર શરૂ ના કરો
  • હાથ ધોવા અને સાફ-સફાઇનું ધ્યાન રાખો અને બાળકોને પણ શીખવો

આ સમાચારને અંગ્રેજીમાં વાંચવા માટે અહીં ક્લિક કરો

નોંધઃ આ લેખ માત્ર સામાન્ય જાણકારી માટે છે, તે કોઇ પણ પ્રકારે દવા કે ઇલાજનો વિકલ્પ હોઇ શકે નહીં. વધુ માહિતી માટે તમારાં ડોક્ટરનો સંપર્ક કરો.

ઓમિક્રોનનું પ્રમુખ લક્ષણ છે Hyposmia, નાકમાં થાય છે અસર, જાણો કેવી રીતે કરશો ઓળખ?

Source link