અમદાવાદ સહિત રાજ્યમાં ચાર દિવસ સુધી અગનજ્વાળા વરસાવસે સૂરજદાદા!

અમદાવાદઃ એપ્રિલનો અંત નજીક છે એવામાં મહત્તમ તાપમાનનો આંકડો અમદાવાદ સહિત રાજ્યભરમાં ઘણો ઊંચો જઈ રહ્યો છે. શનિવારે અમદાવાદમાં તાપમાન 41.5 ડિગ્રી નોંધાયું હતું જે આજે 42 ડિગ્રીએ પહોંચશે તેવી શક્યતા વ્યક્ત કરાઈ રહી છે. રાજ્યની રાજધાની ગ્રીન સિટી ગાંધીનગરમાં શનિવારે ગરમીનો પારો 42 ડિગ્રી પર પહોંચી ગયો હતો. આગમી દિવસોમાં રાજ્યનું તાપમાન વધુ ઊંચું જશે, જેના લીધે યલો અને ઓરેન્જ એલર્ટની પણ ચેતવણી આપવામાં આવી છે. હવામાન વિભાગે આગામી અઠવાડિયા દરમિયાન રાજ્યનું તપામાન 44 ડિગ્રી પર પહોંચવાની સંભાવના પણ વ્યક્ત કરી છે.

સામાન્ય કમોસમી વરસાદ બાદ રાજ્યમાં ફરી એકવાર ગરમી આકરી બની રહી છે. ગુજરાતમાં આગામી ત્રણ દિવસ સુધી આકરો તાપ સહન કરવો પડશે. જેમાં આજે તથા આવતીકાલે ગરમીનું પ્રમાણે 42 ડિગ્રી જ્યારે તે પછીના દિવસો એટલે કે મંગળવાર અને બુધવારે તાપમાન 44 ડિગ્રી પહોંચવાની આગાહી કરાઈ છે. રાજ્યમાં ત્રણ દિવસ માટે યલો એલર્ટ જ્યારે તે પછી બે દિવસ ઓરેન્જ એલર્ટની ચેતવણી આપવામાં આવી છે.

રાજ્યમાં ગરમીના પ્રમાણમાં સતત વધારો થઈ રહ્યો છે. જમાં એક દિવસ તાપમાન 40 ડિગ્રીથીનીચે નોંધાયા બાદ ફરી એકવાર સૂરજદાદા વધારે આકરા બની રહ્યા છે. અમદાવાદની સાથે દક્ષિણ ગુજરાત અને સૌરાષ્ટ્રમાં પણ આગામી પાંચ દિવસ ગરમીનું જોર રહેશે.

IIPH ગાંધીનગરના પ્રોફેસર દિલીપ માવળંકરે જણાવ્યું કે, અમદાવાદ સહિત અન્ય જગ્યા કે જ્યાં ભારે ગરમી પડી રહી છે તેના માટે હીટ એક્શન પ્લાન્ટ જાહેર કરવો જોઈએ. પરંપરાગત રીતે મે મહિનામાં ગુજરાતમાં ભારે ગરમી રહે છે, જોકે હવે એપ્રિલમાં પણ કાળઝાળ ગરમી પડે છે. હવે આના પરથી વિચારી શકાય કે આવતા મહિને કેવી સ્થિતિ હશે. સામાન્ય રીતે એવું જોવા મળે છે કે શરુઆતની આકરી ગરમી વધુ મોતનું કારણ બને છે. તેમણે જણાવ્યું કે, સરકારે નાગરિકોને ભારે ગરમી અંગે જાગૃત કરવા જોઈએ. આ સાથે ગરમીના કારણે કેટલી ગંભીર અસર થાય છે અને બપોરના સમયે બહાર ફરતી વખતે લોકોએ કાળજી રાખવી જોઈએ.

Source link