અમદાવાદઃ શેરબજારમાંથી ઊંચી કમાણીની લાલચમાં યુવકે રૂપિયા 9.34 લાખ ગુમાવ્યા!

 

અમદાવાદઃ શેરબજારમાં રોકાણ કરીને કમાણી કરવાની લાલચમાં યુવકે રૂપિયા 9 લાખથી વધુનું નુકસાન ભોગવવાનો વારો આવ્યો છે. ઓનલાઈન ટ્રાન્ઝેક્શનની ટેક્નોલોજી સાથે સાઈબર ક્રાઈમના કેસમાં પણ વધારો થઈ રહ્યો છે. અમદાવાદમાં શેરબજારના નામે રૂપિયા ગુમાવવાની ઘટનામાં પોલીસે બે આરોપીઓની ધરપકડ કરી લીધી છે. આરોપીઓની ટોળકી લોકોને ડિમેટ અકાઉન્ટ ખોલાવીને શેરબજારમાં ઊંચી કમાણીની લાલચ આપીને છેતરપિંડી કરતા હતા. શેરબજારમાં કમાણીના નામે છેતરપિંડી કરતી ગેંગમાં પ્રિયંકા નામની યુવતી મુખ્ય સૂત્રધાર હોવાનું ખ્લુંય છે, જેની ધરપકડ બાદ વધુ મોટા ખુલાસા થવાની સંભાવના વ્યક્ત કરવામાં આવી રહી છે. આ દિશામાં પણ પોલીસ દ્વારા વધુ તપાસ કરવામાં આવી રહી છે.

અમદાવાદમાં યુવકે ડિમેટ અકાઉન્ટ ખોલાવ્યા બાદ જુદા-જુદા રોકાણના નામે યુવક પાસેથી રૂપિયા 9.34 લાખ ગુમાવ્યા હતા. ખોટા રિપોર્ટ્સ તૈયાર કરીને યુવકને તેના રોકાણ પર 20 લાખ રૂપિયા મળી રહ્યા હોવાનું જણાવ્યું હતું, જ્યારે યુવકે પોતાના રોકાણની સામે મળેલા નફાને ખાતામાં જમા કરાવવા માટે કહ્યું તો તમામ ફોન બંધ આવવાનું શરુ થઈ ગયું હતું.

9 લાખથી વધુના રોકાણ અને તે પછી વ્યાજના નામે છેતરપિંડી થઈ હોવાની શંકા જતા યુવકે આ અંગે સાઈબર ક્રાઈમમાં ફરિયાદ નોંધાવી હતી. ફરિયાદ મળતા સાઈબર ક્રાઈમ પોલીસે તપાસ શરુ કરી દીધી હતી. તપાસ દરમિયાન પોલીસે મધ્યપ્રદેશના હોશંગાબાદથી વિક્રમ નાગા અને સુરજ વિશ્વકર્મા નામના બે યુવકોની ધરપકડ કરી લીધી છે. સૂરજ અને વિક્રમ પાસેથી પોલીસે 7 મોબાઈલ ફોન, બે અલગ-અલગ ચેકબૂક અને સીમકાર્ડ સહિતનો મુદ્દામાલ જપ્ત કરીને તપાસ શરુ કરી ચે.

આરોપીઓની ધરપકડ બાદ પોલીસે કરેલી પ્રાથમિક તપાસમાં બહાર આવ્યું કે, આરોપી ટોળી ઓનલાઈન ડિમેટ અકાઉન્ટ ખોલવીને શેરબજારમાં આઈકેપિટલ બ્રોકિંગ નામની કંપની સાથે કામ કરીને ઊંચો નફો અપાવવાની લાલચે છેતરપિંડી કરતી હતી. આ ગેંગની મુખ્ય સૂત્રધાર પ્રિયંકા હોવાનું ખુલ્યું છે. જેની ધરપકડ બાદ વધુ મોટા ખુલાસા થવાની સંભાવના વ્યક્ત કરવામાં આવી રહી છે.

Source link